ପାଟଣା : ଘଟଗାଁ ବ୍ଲକ ସାନ୍ତରାପୁର ପଞ୍ଚାୟତ ଅନ୍ତର୍ଗତ ଛତିଆ ଗ୍ରାମ ରାସ୍ତା ଶୋଚନୀୟ ହୋଇପଡିଛି । ସେହି ରାସ୍ତା ରଘୁବେଡା ଗ୍ରାମକୁ ସଂଯୋଗ କରୁଥିବାବେଳେ ଅନ୍ୟପଟେ ସାନ୍ତରାପୁର ପଞ୍ଚାୟତକୁ ସଂଯୋଗ କରୁଛି। ଦୁର୍ଭାଗ୍ୟର ବିଷୟ ଏହି ରାସ୍ତା ନିର୍ମାଣ ହେବା ପାଇଁ ନିର୍ବାଚନ ପୂର୍ବରୁ ବିଧାୟକ ବଦ୍ରିନାରାୟଣ ପାତ୍ର ଶିଳାନ୍ୟାସ କରି ଭିତ୍ତି ପ୍ରସ୍ତର ସ୍ଥାପନ କରିଥିଲେ କିନ୍ତୁ ଦୀର୍ଘ ଦିନ ହେଲା ପରେ ମଧ୍ୟ କାମ ଆରମ୍ଭ ହୋଇପାରିନାହିଁ। ଯାହା ଫଳରେ ଏହି ରାସ୍ତାରେ ଏବେ ଚାଲି କରି ଏବଂ ସାଇକେଲରେ ଯିବା ବି କଷ୍ଟକର ହୋଇପଡିଛି । ଏଣୁ ଯଥାଶୀଘ୍ର ଏହି ରାସ୍ତା ନିର୍ମାଣ କାର୍ଯ୍ୟ ଆରମ୍ଭ କରାଯାଉ ଏବଂ ବର୍ତ୍ତମାନ ମୋରମ ପକାଇ ଲୋକ ମାନଙ୍କ ଯିବା ଆସିବା ନିମନ୍ତେ ସୁବିଧା କରାଯାଉ ବୋଲି ଗ୍ରାମବାସୀ ଦାବି ରଖିଛନ୍ତି। ନଚେତ ଆଗାମୀ ଦିନରେ ଆନ୍ଦୋଳନ କରାଯିବ ବୋଲି ଘଷିପୁରା ବିଧାୟକ ପ୍ରାର୍ଥୀ ଜଗବନ୍ଧୁ ମହାନ୍ତ କହିଛନ୍ତି।
Comments are closed.