ଚୌଦ୍ୱାର: ସ୍ଥାନୀୟ ସ୍ୱେଚ୍ଛାସେବୀ ଅନୁଷ୍ଠାନ ବିବେକାନନ୍ଦ ସୋସିଆଲ ଡେଭଲପମେଣ୍ଟପକ୍ଷରୁ ବନମହୋତ୍ସବ ସପ୍ତାହ ଓ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ସଭାପତି ଭାସ୍କର ଚନ୍ଦ୍ର ରାଉତରାୟଙ୍କ ପରିଚାଳନାରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ ଚୌଦ୍ୱାର ଆଇଆଇସି ବିରଞ୍ଚି ନାରାୟଣ ପତି ଉଦ୍ଘାଟନ କରିବା ସହିତ ପ୍ରଥମ ଦିନର ପ୍ରଥମ ଚାରା ରୋପଣ କରିଥିଲେ। ପୌରପାଳିକା ୬ନଂ ୱାର୍ଡ ନୁନଟିକିରି ପଡିଆରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଭୀମସେନ ବିଶ୍ୱାଳ, ସୁରେଶ ରାଉତରାୟ, ଟୁକୁ ପ୍ରଧାନ, କାହ୍ନୁ ଚରଣ ଜେନା, ଅମୁଲ୍ୟ ରାଉତରାୟ, ମାନସ କୁମାର ପରିଡା, ଜିତେଶ ମହାନ୍ତି ପ୍ରମୁଖ ଅନୁଷ୍ଠାନର ସଦସ୍ୟ ଚାରା ରୋପଣ କରିବା ସହିତ କାର୍ଯ୍ୟକ୍ରମ ପରିଚାଳନା କରିଥିଲେ। ନୁନଟିକିରି ଗ୍ରାମର ଅମୀୟ କୁମାର ବରାଳ, ସଞ୍ଜୟ ନାୟକ, ପଦ୍ମନାଭ ବରାଳ, ପବିତ୍ର କୁମାର ମହାନ୍ତିଙ୍କ ସମେତ ଗ୍ରାମବାସୀ କାର୍ଯ୍ୟକ୍ରମରେ ସହଯୋଗ କରିଥିଲେ। ଆସନ୍ତା ୬ଦିନ ବ୍ୟାପି ବିଭିନ୍ନ ସ୍ଥାନରେ ଚାରା ରୋପଣ କାର୍ଯ୍ୟକ୍ରମ ଜାରୀ ରହିବ ବୋଲି ସଂପାଦକ ଅଶ୍ୱିନୀ କୁମାର ଜେନା ପ୍ରକାଶ କରିଛନ୍ତି।
Comments are closed.