ଚୌଦ୍ୱାର :ଚୌଦ୍ୱାର ଥାନା ଅନ୍ତର୍ଗତ ନଖରା ପଞ୍ଚାୟତର ବଡ଼ଚାଞ୍ଚୋ ଗ୍ରାମରେ ବୁଧବାର ବିଳମ୍ବିତ ରାତିରେ ଭୟାବହ ଅଗ୍ନିକାଣ୍ଡ ଘଟି ପ୍ରମୋଦ ସିଂ, ଜିତେନ୍ଦ୍ର ସିଂ ଓ ନାରାୟଣ ସିଂଙ୍କର ୩ବଖରା ଚାଳଘର ଓ ଗୋଟିଏ ଦେକାନ ଘର ପୋଡ଼ି ପାଉଁଶ ହୋଇ ଯାଇଛି। ରାତିରେ ସମସ୍ତେ ଶୋଇଥିବାବେଳେ ଘରୁ ନିଆାଁ ଉଠିବାରୁ ପଡ଼ୋଶୀଙ୍କ ପାଟି ଶୁଣି ପ୍ରମୋଦଙ୍କ ପରିବାର ଲୋକେ ଘରୁ ବାହାରକୁ ପଳାଇ ଆସିଥିଲେ। ଅଗ୍ନିକାଣ୍ଡରେ ଘର ଭିତରେ ଥିବା ସମସ୍ତ ଆସବାବାପତ୍ର, ଧାନ ଚାଉଳ, ଲୁଗାପଟା ସମେତ ନଗଦ ଏକ ଲକ୍ଷ ଟଙ୍କା ପୋଡ଼ି ଯାଇଥିବା ପରିବାର ଲୋକେ ପ୍ରକାଶ କରିଛନ୍ତି । ଏଥି ସହିତ ଦୋକାନରେ ଥିବା ପ୍ରାୟ ଦେଢ଼ଲକ୍ଷ ଟଙ୍କାର ସାମଗ୍ରୀ ଜଳି ଯାଇଥିବା ଜଣା ପଡ଼ିଛି।
ଖବରପାଇ ଚୌଦ୍ୱାର ଦମକଳ ବାହିନୀ ଯାଇ ନିଅାଁକୁ ଆୟତ୍ତ କରିଥିଲେ। ବିଜେଡ଼ି ଦଳର ଦୃଢ଼ ସମର୍ଥକ ଭାବେ ବେଶ ଜଣାଶୁଣା ଏହି ୩ଭାଇ ଗତ ପଞ୍ଚାୟତ ନିର୍ବାଚନରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରି ବିରୋଧୀଙ୍କ ଶତ୍ରୁ ହୋଇ ଯାଇଥିବା ଓ ସେମାନଙ୍କ ସମର୍ଥିତ ପ୍ରାର୍ଥୀ ହାରି ଯାଇଥିବାରୁ ବିରୋଧୀମାନେ ପ୍ରତିଶୋଧ ପରାୟଣ ହୋଇ ଘରେ ନିଆଁ ଲଗାଇ ଦେଇଥିବା ପ୍ରମୋଦ, ଜିତେନ୍ଦ୍ର ଓ ନାରାୟଣ ଅଭିଯୋଗ କରିବା ସହିତ ଅପରାଧି ମାନଙ୍କୁ ତୁରନ୍ତ ଗିରଫ କରିବାପାଇଁ ଦାବି କରିଛନ୍ତି।
Comments are closed.