କାଲ୍ଗାରି : ଏଠାରେ ଖେଳାଯାଉଥିବା କାନାଡ଼ା ଓପନ୍ ବ୍ୟାଡମିଣ୍ଟନ୍ ଟୁର୍ଣ୍ଣାମେଣ୍ଟର ପୁରୁଷ ସିଙ୍ଗଲ୍ସ ଫାଇନାଲରେ ପରାସ୍ତ ହୋଇଛନ୍ତି ଭାରତର ପାରୁପଲ୍ଲୀ କଶ୍ୟପ। ଏକ ସଂଘର୍ଷପୂର୍ଣ୍ଣ ଫାଇନାଲରେ କଶ୍ୟପଙ୍କୁ ଚୀନ୍ର ଲି ସି ଫେଙ୍ଗ୍ ୨୨-୨୦, ୧୪-୨୧ , ୧୭-୨୧ ଗେମ୍ରେ ପରାସ୍ତ କରିଥିଲେ। ଏକ ଘଣ୍ଟା ୧୬ ମିନିଟ୍ ଧରି ଚାଲିଥିବା ଏହି ମ୍ୟାଚ୍ର ପ୍ରଥମ ଗେମ୍ରେ କଶ୍ୟପ ବିଜୟୀ ହୋଇ ଅଗ୍ରଣୀ ହାସଲ କରିଥିଲେ। ତେବେ ଦ୍ବିତୀୟ ଓ ତୃତୀୟ ଗେମ୍ରେ ଲି ସି ଫେଙ୍ଗ୍ ଚମତ୍କାର ପ୍ରଦର୍ଶନ କରି ବିଜୟୀ ହେବା ସହ ଟାଇଟଲ୍ ହାସଲ କରିଥିଲେ। ଏ ସଂପର୍କରେ ନିଜ ଟ୍ବିଟର୍ ଆକାଉଣ୍ଟରେ କଶ୍ୟପ ସୂଚନା ଦେଇ ରୌପ୍ୟ ପଦକ ହାସଲ କରିଥିବାରୁ ଖୁସି ଥିବା ଦର୍ଶାଇଛନ୍ତି। ତାଙ୍କୁ ପ୍ରତି ସମର୍ଥନବ୍ୟକ୍ତ କରିଥିବାରୁ ପ୍ରଶଂସକଙ୍କୁ କୃତଜ୍ଞତା ଜ୍ଞାପନ କରିଛନ୍ତି। ଗତ କିଛିବର୍ଷ ହେବ ଆଘାତଜନିତ କାରଣରୁ କଶ୍ୟପ ଅନେକ ଟୁର୍ଣ୍ଣାମେଣ୍ଟରେ ଖେଳିପାରିନଥିବା ବେଳେ କାନାଡ଼ା ଓପନ୍ର ଫାଇନାଲରେ ବେଶ୍ ଭଲ ପ୍ରଦର୍ଶନ କରିଥିଲେ। ଏହି ଟୁର୍ଣ୍ଣାମେଣ୍ଟରେ ସେ ଚୀନ୍ର ରେନ୍ ପେଙ୍ଗ୍ ବୋ, ଫ୍ରାନ୍ସର ଲୁକାସ୍ କ୍ଲାୟରବାଉଟ୍ ଓ ଚାଇନିଜ ତାଇପେର ୱାଙ୍ଗ ଜୁ ୱିଙ୍କ ପରି ଖେଳାଳିଙ୍କୁ ପରାସ୍ତ କରି ଫାଇନାଲରେ ପ୍ରବେଶ କରିଥିଲେ।
Comments are closed.