ବୌଦ୍ଧ: ସ୍ଥାନୀୟ ସରସ୍ବତୀ ଶିଶୁ ବିଦ୍ୟା ମନ୍ଦିରରେ ଅନୁଷ୍ଠିତ ଜିଲାସ୍ତରୀୟ ସ୍କାଉଟ୍ ଓ ଗାଇଡ୍ କ୍ୟାମ୍ପୋରୀ ଉଦଯାପିତ ହୋଇଛି। ଉତ୍ସବରେ ଜିଲାପାଳ ସତ୍ୟ ରଞ୍ଜନ ସାହୁ ମୁଖ୍ୟ ଅତିଥି ଭାବରେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ଡିଇଓଉଦୟନାଥ ମାଝୀ, ଡିଆଇପିଆରଓ ରିତାକାନ୍ତି ବଳିଆରସିଂହ ଓ ଜିଲା ସ୍କାଉଟ କମିଶନର ସୁବାସ ଚନ୍ଦ୍ର ମହାକୁଡ଼ ଯୋଗ ଦେଇଥିଲେ। ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀଙ୍କ ମୁଖ୍ୟ ଅତଥି ପୁରସ୍କୃତ କରିଥିଲେ। ଶିବିରରେ ଜିଲାର ସମସ୍ତ ସ୍କୁଲର ସ୍କାଉଟ୍ ଗାଇଡ୍, ଛାତ୍ରଛାତ୍ରୀ, ଗାଇଡ୍ ମାଷ୍ଟର୍, କ୍ରୀଡ଼ା ଶିକ୍ଷକ ଅଂଶ ଗ୍ରହଣ କରିଥଲେ।
ଶାରୀରିକ ଶିକ୍ଷା ନିରୀକ୍ଷକ ଆନନ୍ଦ ଚନ୍ଦ୍ର ବେହେରା ସ୍ବାଗତ ଭାଷଣ ଦେଇଥିବା ବେଳେ ଏଡିଇଓ ଘନଶ୍ୟାମ ମେହେର ଧନ୍ୟବାଦ ଦେଇଥିଲେ। ସ୍କାଉଟ୍ ମାଷ୍ଟର୍ ଜିତେନ୍ଦ୍ର ହୋତା ଶିବିର ପରିଚାଳନା କରିଥିଲେ। ସକାଳେ ଅନୁଷ୍ଠିତ ଗାଁ ହାଟ, ତମ୍ବୁ ପ୍ରସ୍ତୁତ, ଦୁଃସାହସିକ କ୍ରୀଡ଼ା ପ୍ରଦର୍ଶନ ପ୍ରତିଯୋଗିତାକୁ ବୌଦ୍ଧ ତହସିଲଦାର ଦେବୀ ପ୍ରସାଦ ଦାଶ ଉଦ୍ଘାଟନ କରିଥିଲେ। ପ୍ରତିଯୋଗିତାକୁ ଡିପିସି ସୁଧିର ଭୋଇ ଓ ଡିଓସି ଶଶାଙ୍କ ଶେଖର ଶାସିନୀ ପରିଚାଳନା କରିଥିଲେ। ପୂର୍ବାହ୍ନରେ ଶିବିରାର୍ଥୀମାନେ ଜିଲାପାଳଙ୍କ କାର୍ଯ୍ୟାଳୟର ବିଭିନ୍ନ ବିଭାଗ ବୁଲି ଦେଖିଥିଲେ।
Comments are closed.