ବୌଦ୍ଧ: ବୌଦ୍ଧ ଥାନା ଅନ୍ତର୍ଗତ ୫୭ ନମ୍ବର ଜାତୀୟ ରାଜପଥ ହରଭଙ୍ଗା ବ୍ଲକର ଲାଣ୍ଡିବନ୍ଧ ନିକଟରେ ବୌଦ୍ଧ ପୁଲିସ ଗୁରୁବାର ସନ୍ଧ୍ୟାରେ ଚଢାଉ କରି ୩୮.୩୪୦ ଲିଟର ବିଦେଶୀ ମଦ ଜବତ କରିବା ସହିତ ଏକ ବାଇକକୁ ଜବତ କରିଥିବାବବେଳେ ମଦ କାରବାର ଅଭିଯୋଗରେ ଦୁଇ ଜଣକୁ ଗିରଫ କରିଛି। ଅଭିଯୁକ୍ତ ଦୁଇ ଜଣ ହେଲେ ବୌଦ୍ଧ ଜିଲା ମନମୁଣ୍ଡା ଥାନା ଶଗଡା ଗ୍ରାମର ଗୋବିନ୍ଦ ସାହୁ(୨୧) ଏବଂ ବୌଦ୍ଧ ଥାନା ଅନ୍ତର୍ଗତ କେନ୍ଦୁବାଡି ଗ୍ରାମର ଗୋପାଳ ମଲ୍ଲିକ(୪୭) ବୋଲି ଜଣାପଡିଛି।
ମିଳିଥିବା ସୂଚନା ଅନୁଯାୟୀ ଗୋବିନ୍ଦ ଓ ଗୋପାଳ ଏକ ବାଇକରେ ଜାତୀୟ ରାଜପଥରେ ମଦ ଧରି ଯାଉଥିବା ପୁଲିସ କୌଣସି ସୂତ୍ରରୁ ଖବର ପାଇ ଲାଣ୍ଡିବନ୍ଧ ନିକଟରେ ବାଇକର ତଲାସି ନିଆଯାଇଥିଲା। ତଲାସିରେ ସମୟରେ ସେମାନଙ୍କ ଠାରେ ୩୮ ଲିଟର ୩୪୦ ମିଳିଥିଲା। ମଦ ଚାଲାଣ ଅଭିଯୋଗରେ ପୁଲିସ ଗୋବିନ୍ଦ ଓ ଗୋପାଳକୁ ଗିରଫ କରିଛି। ଜବତ ମଦର ମୂଲ୍ୟ ୨୦ ହଜାର ୮୭୦ ଟଙ୍କା ହେବ ବୋଲି ବୌଦ୍ଧଥାନା ଅଧିକାରୀ ମାଧବନନ୍ଦ ନାୟକ ପ୍ରକାଶ କରିଛନ୍ତି।
Comments are closed.