ମୁମ୍ବଇ : ଅୟାନ୍ ମୁଖାର୍ଜୀ ନିର୍ଦେଶିତ ‘ବ୍ରହ୍ମାସ୍ତ୍ର’ ଚଳଚ୍ଚିତ୍ରର ଆଗାମୀ ପର୍ଯ୍ୟାୟର ସୁଟିଂ ବାରାଣସୀରେ ଚାଲିଛି। ଭୋର ୪ଟାରୁ ୭ଟା ପର୍ଯ୍ୟନ୍ତ ଗଙ୍ଗା ନଦୀକୂଳରେ ପୂରା ଟିମ୍ ଦୈନିକ ଉପସ୍ଥିତ ରହୁଛନ୍ତି। ମୁଖ୍ୟ ଭୂମିକାରେ ଅଭିନୟ କରିଥିବା ଅମିତାଭ ବଚ୍ଚନ, ରଣବୀର କପୁର, ଆଲିୟା ଭଟ୍ଟ ଓ ନାଗାର୍ଜୁନ ଏଥିରେ ଭାଗ ନେଇଛନ୍ତି। ତେବେ ସ୍ବାସ୍ଥ୍ୟଗତ ଅସୁବିଧା କାରଣରୁ ବିଗ୍ ବି ୨ଦିନ ପାଇଁ ମୁମ୍ବଇ ଆସିଥିଲେ। ପ୍ରଥମ ଭାଗ ବୁଲଗେରିଆ, ବଲିଭିଆ ଓ ଅନ୍ୟ ଇଉରୋପୀୟ ରାଷ୍ଟ୍ରରେ ସୁଟିଂ ଶେଷ ହୋଇଛି। କରନ୍ ଜୋହର୍ ପ୍ରଯୋଜିତ ଏଇ ଚଳଚ୍ଚିତ୍ରରେ ଶିବ ଚରିତ୍ରରେ ରଣବୀର ଓ ଈଶା ଭୂମିକାରେ ଆଲିୟା ଦେଖାଦେବେ। ଅମିତାଭ ବଚ୍ଚନ ଓ ନାଗାର୍ଜୁନଙ୍କ ଭୂମିକା ମଧ୍ୟ ବେଶ୍ ଦମ୍ଦାର୍ କିନ୍ତୁ ସେ ବାବଦରେ ଏଯାଏଁ ୟୁନିଟ୍ ତରଫରୁ କୌଣସି ତଥ୍ୟ ଦିଆଯାଉନାହିଁ। ଚଳିତ ବର୍ଷ ଡିସେମ୍ବର ୨୦ରେ ଏଇ ଚଳଚ୍ଚିତ୍ର ମୁକ୍ତିଲାଭ ହେବାର ଯୋଜନା ରହିଛି।
Popular Categories
Previous article
Next article