କୁଅଁପାଳ : ମାହାଙ୍ଗା ବ୍ଲକ ବିଜେଡି ଯୁବ ଓ ଛାତ୍ର ଜନତା ଦଳର କର୍ମକର୍ତ୍ତା ଓ ଯୁବ କର୍ମୀମାନେ ବିଜୁବାବୁଙ୍କ ତିରୋଧାନ ଦିବସରେ ରକ୍ତ ଦାନ କରି ତାଙ୍କ ଶ୍ରାଦ୍ଧ ଉତ୍ସବ ପାଳନ କରିଛନ୍ତି। ମାହାଙ୍ଗା ଗୌଡ଼ପଡା ସ୍ଥିତ ଜଳସମ୍ପଦ ବିଭାଗ ଡାକ ବଙ୍ଗଳାଠାରେ ଓଡ଼ିଶା ମୋ ପରିବାର ପକ୍ଷରୁ ଆୟୋଜିତ ସ୍ବେଚ୍ଛାକୃତ ରକ୍ତ ଦାନ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ପଞ୍ଚାୟତିରାଜ ମନ୍ତ୍ରୀ ପ୍ରତାପ ଜେନା ମୁଖ୍ୟ ଅତିଥିଭାବେ ଯୋଗଦେଇ ବିଜୁ ବାବୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଦେଇ ଶ୍ରଦ୍ଧାଞ୍ଜଳି ଅର୍ପଣ କରି ରକ୍ତଦାନ କାର୍ଯ୍ୟକ୍ରମକୁ ଉଦଘାଟନ କରିବା ସହ ଗୋଟିଏ ଗୋଟିଏ ରକ୍ତ ବିନ୍ଦୁ କୋଟିକୋଟି ଲୋକଙ୍କ ଜୀବନ ବଞ୍ଚାଇ ସେମାନଙ୍କ ମୁହଁରେ ହସ ଫୁଟାଉଛି ବୋଲି କହିଥିଲେ। ଏଥିରେ ବ୍ଲକ ଅଧ୍ୟକ୍ଷା ଦୀପା ମଲିକ, ବ୍ଲକ ବିଜେଡି ସଭାପତି ରାଜକିଶୋର ଜେନା, ଯୁବ ବିଜେଡ଼ି ସଭାପତି ଶରତ ମହାପାତ୍ର, ଛାତ୍ର ବିଜେଡ଼ି ସଭାପତି ତ୍ରିନାଥ ଜେନା, ଉପସଭାପତି କ୍ଷମସାଗର ଦାସ, ଯୁବ ବିଜେଡ଼ି ସମ୍ପାଦକ ଶ୍ରୀନିବାସ ରାଉତ, ପ୍ରଦୀପ୍ତ ବିଶ୍ୱାଳ, ପ୍ରୀତମ କାନୁନଗୋ ପ୍ରମୁଖ ଯୋଗ ଦେଇଥିଲେ। ଅନ୍ୟମାନଙ୍କ ମଧ୍ୟରେ କେଶବ ପଲେଇ, ସନ୍ତୋଷ ରାଉତରାୟ, ସ୍ୱାଧୀନ ମହାନ୍ତି, ସାରଦା ପ୍ରସାଦ ମହାନ୍ତି, କ୍ରିଷ୍ଣକାନ୍ତ ଷଡ଼ଙ୍ଗୀ, ସୁଶାନ୍ତ ଦାସଙ୍କ ସମେତ ଯୁବ ଓ ଛାତ୍ର ବିଜେଡିର କର୍ମକର୍ତା ଶିବିର ପରିଚାଳନାରେ ସହଯୋଗ କରିଥିଲେ।
Comments are closed.