ଝୁମ୍ପୁରା: ଝୁମ୍ପୁରା ବ୍ଲକ ବାରିଆ ପଞ୍ଚାୟତର ଭୂବନପଶି ଗ୍ରାମଠାରେ ବିଜୁ ଜନତା ଦଳର କର୍ମୀ ସମ୍ମିଳନୀ ବାରିଆ ପଞ୍ଚାୟତ ବିଜୁ ଜନତାଦଳର ପଞ୍ଚାୟତ ସଭାପତି ଯୁଗଳ କିଶୋର ବାରିକଙ୍କ ପ୍ରତ୍ୟକ୍ଷ ତ୍ୱତ୍ତାବଧାନରେ ବୁଧବାର ଅନୁଷ୍ଠିତ ହୋଇଯାଇଛି। ଏହି କର୍ମୀ ସମ୍ମିଳନୀରେ ଝୁମ୍ପୁରା ବ୍ଲକ ଅଧ୍ୟକ୍ଷ ସୁଶାନ୍ତ କୁମାର ନାଏକ, ଝୁମ୍ପୁରା ବ୍ଲକ ବିଜୁ ଜନତା ଦଳ ଯୁବ ସଭାପତି ହରିଭକ୍ତ କୁନାଗିରି, ଜିଲା ସାଧାରଣ ସଂପାଦକ ମହେନ୍ଦ୍ର ସାହୁ, ଶୁକଦେବ ବାରିକ, ବାରିଆ ସମିତି ସଭ୍ୟ ଶିବ ଚରଣ ପ୍ରଧାନ, ପରେଶ ବାରିକ, ଉଖୁଣ୍ଡା ସମିତି ସଭ୍ୟ ରାଧାକାନ୍ତ ନାଏକ, ସୁଶାନ୍ତ ପ୍ରଧାନ, ଗଗନ ବିହାରୀ ବାରିକ,ଯଦୁମଣି ବାରିକ ପ୍ରମୁଖ ଯୋଗଦାନ କରିଥିଲେ। ବିଜୁ ଜନତା ଦଳକୁ ୱାର୍ଡସ୍ତରରେ କିପରି ଅଧିକ ସୁଦୃଢ କରାଯାଇ ପାରିବ ସେ ସମ୍ପର୍କରେ ବିସ୍ତୁର ଭାବରେ ଆଲୋଚନା କରିବା ସହିତ ଆଗାମୀ ପଞ୍ଚାୟତ ନିର୍ବାଚନରେ ଦଳର ସଦସ୍ୟ ମାନେ ମତଭେଦ ନରଖି ନିଷ୍ଠାର ସହିତ କାମ କରିବାକୁ ପରାମର୍ଶ ଦେଇଥିଲେ। ରାଜ୍ୟର ଲୋକପ୍ରିୟ ମୁଖ୍ୟମନ୍ତ୍ରୀଙ୍କ ନୀତି ଆଦର୍ଶରେ ଅନୁପ୍ରାଣୀତ ହୋଇ ବହୁ ବରିଷ୍ଠ ନାଗରିକ, ମାନ୍ୟଗଣ୍ୟ ବ୍ୟକ୍ତି ବିଜୁ ଜନତା ଦଳରେ ଆନୁଷ୍ଠାନିକ ଭାବରେ ସ୍ୱଇଚ୍ଛାରେ ସାମିଲ ହୋଇଛନ୍ତି। ଏହି କର୍ମୀ ସମ୍ମିଳନୀରେ ନୂତନ ଭାବରେ ଯୋଗଦାନ କରିଥିବା ରମାକାନ୍ତ ନାଏକ, ଫାଲଗୁନୀ ନାଏକ, ରତ୍ନାକାର ନାଏକ, ସୁରେନ୍ଦ୍ର ବାରିକଙ୍କୁ ଦଳର କର୍ମକର୍ତ୍ତାମାନେ ଫୁଲତୋଡା ଓ ଉପଢୌକନ ଦେଇ ସ୍ୱାଗତ କରିଥିବା ଦେଖିବାକୁ ମିଳିଛି। ଏହି କର୍ମୀ ସମ୍ମିଳନୀକୁ ବିଜୁ ଜନତାଦଳର ସକ୍ରୀୟ ସଦସ୍ୟମାନେ ପରିଚାଳନାରେ ସହଯୋଗ କରିଥିଲେ।
Comments are closed.