ଭୁବନେଶ୍ବର : ରାଜଧାନୀରେ ବାଇକ୍ ଚୋରଙ୍କ ଦୌରାତ୍ମ୍ୟ ବଢ଼ିଛି। ଲୁଟିଆମାନେ ବିଭିନ୍ନ ହାଟବଜାର ନିକଟରୁ ଥୁଆ ହୋଇଥିବା ବାଇକ୍ ଡୁପ୍ଲିକେଟ ଚାବିରେ ଖୋଲି ପାର ହୋଇଯାଉଛନ୍ତି। ଧରାପଡ଼ିବା ଭୟରେ ରେଳଷ୍ଟେସନ ନିକଟରେ ବାଇକ୍ ପାର୍କିଂଷ୍ଟାଣ୍ଡରେ ଗାଡ଼ି ଲୁଚାଇ ରଖି କିଛିମାସ ଅପେକ୍ଷା କରୁଛନ୍ତି। ସମୟ ସୁଯୋଗ ଦେଖି ସେ ଗାଡ଼ିକୁ ଅନ୍ୟତ୍ର ପଠାଇ ବିକ୍ରି କରୁଛନ୍ତି।
ରେଳଷ୍ଟସନ ବାଇକ୍ ପାର୍କିଂଷ୍ଟାଣ୍ତରେ ଗାଡ଼ି ରଖିବା ନେଇ କୌଣସି କଟକଣା ନାହଁି। ଫଳରେ ବାଇକ୍ ଲୁଟିଆ ଚୋରିଗାଡି ଆଣି ଏଠାରେ ଲୁଚାଇ ରଖୁଛନ୍ତି। ଏନେଇ ଅଭିଯୋଗ ହେବାପରେ ରେଳବାଇ କର୍ତ୍ତୃପକ୍ଷ ଗାଡ଼ି ରଖିବା ନେଇ କଟକଣା କରିବାକୁ ଯୋଜନା ରଖିଛନ୍ତି। ଆଗାମୀ ଦିନରେ ପାର୍କିଂଷ୍ଟାଣ୍ଡରେ ଗାଡ଼ି ରଖିବାକୁ ହେଲେ ଗାଡି କାଗଜପତ୍ର କିମ୍ବା ଏହାର ନକଲ ଦେଖାଇବାକୁ ହେବ।
ସୂଚନାଯୋଗ୍ୟ, ସହର ତମାମ୍ ଗାଡ଼ିମୋଟର କାଗଜପତ୍ର ଯାଞ୍ଚ ଜୋରଦାର ହୋଇଥିବାବେଳେ ଲୁଟ୍ ପରେ ଗାଡ଼ି ବାହାରକୁ ନେବା ସମ୍ଭବ ହେଉ ନାହଁି। ପୁଲିସ ହାବୁଡ଼ରେ ଧରାପଡ଼ିବା ଭୟ ରହୁଛି। ସେମାନେ ଗାଡ଼ି ଲୁଚାଇ ରଖିବାର ନୂଆ ଠିକଣା ଭାବେ ମୁଖ୍ୟ ରେଳେଷ୍ଟସନ ବାଇକ୍ ପାର୍କିଂଷ୍ଟାଣ୍ଡକୁ ବ୍ୟବହାର କରୁଥିବା ଜଣାପଡ଼ିଛି। ରେଳଷ୍ଟସନ ବାଇକ୍ ପାର୍କିଂଷ୍ଟାଣ୍ତରେ ଗାଡ଼ି ରଖିବା ନେଇ କୌଣସି କଟକଣା ନାହଁ। ଲୋକମାନେ ମନଇଚ୍ଛା ଗାଡ଼ି ରଖି ପଳାଉଛନ୍ତି। ଏହା ବାଇକ୍ ଲୁଟିଆଙ୍କୁ ସୁହାଉଛି। ବାଇକ୍ ଲୁଟିଆ ଗାଡ଼ି ଚୋରି ପରେ ଏଗୁଡ଼ିକୁ ଦୀର୍ଘଦିନ ପର୍ଯ୍ୟନ୍ତ ଲୁଚାଇ ରଖୁଛନ୍ତି। ପେର ସୁଯୋଗ ଦେଖି ଚୋରି ଗାଡ଼ିକୁ ରାଜ୍ୟ ବାହାରେ ଶସ୍ତାରେ ବିକ୍ରି କରୁଥିବା ଅଭିଯୋଗ ହେଉଛି।
ପୂର୍ବରୁ ଉକ୍ତ ପାର୍କିଂଷ୍ଟାଣ୍ଡକୁ ଏକ ଘରୋଇ ସଂସ୍ଥା ପରିଚାଳନା କରୁଥିଲା। ରେଳବାଇ ଏହାର ପରିଚାଳନା ଦାୟିତ୍ବ ନୋବାପରେ ଏନେଇ କୌଣସି କଟକଣା ଲଗାଇ ନାହିଁ। ଆଗାମୀ ଦନରେ ବାଇକ୍ ଷ୍ଟାଣ୍ଡରେ ଗାଡ଼ି ରଖିବାକୁ ହେଲେ ଗାଡ଼ି କାଗଜପତ୍ର କିମ୍ବା ଏହାର ନକଲ କପି ଦେଖାଇବା ବାଧ୍ୟତାମୁଳକ କରାଯିବ ବୋଲି ଷ୍ଟେସନ ନିର୍ଦେଶକ ଚିତ୍ତରଞ୍ଜନ ନାୟକ କହିଛନ୍ତି।
ବାଇକ୍ ପାର୍କିଂଷ୍ଟାଣ୍ଡ ହୋଇଛି ଗାଡ଼ି ଚୋରଙ୍କ ଗୋଦାମ; ଏଣିକି ଗାଡ଼ି ରଖିବାକୁ ହେଲେ କାଗଜପତ୍ର ଜରୁରୀ
Popular Categories
Previous article
Next article