ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ମାଣ୍ଡିଆପଲ୍ଲୀ ଛକ ଜାତୀୟ ରାଜପଥରେ ଏକ ସଡ଼କ ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଗୁରୁବାର ରାତି ପ୍ରାୟ ୧୦ ଟା ବେଳେ ବାଇକ ପଛକୁ ଆକ୍ଟିଭା ଧକ୍କା ଦେବାରୁ ମୋଟରସାଇକେଲ ଚାଳକର ମୃତ୍ୟୁ ଘଟିଥିବା ଜଣାପଡିଛି। ମୃତକ ଜଣକ ହେଲେ ଗୋଳନ୍ଥରା ଥାନା ଅନ୍ତର୍ଗତ ପାଟପୁର ଗ୍ରାମର ଯୋଗେନ୍ଦ୍ର ନାୟକ ବୟସ(୩୫) ବୋଲି ପୁଲିସ ସୂଚନା ଦେଇଛି।
ମୃତକ ଯୋଗେନ୍ଦ୍ର ନିଜ ଗ୍ରାମ ପାଟପୁରରୁ ନିଜ ମୋଟରସାଇକେଲ ଯୋଗେ ଚମାଖଣ୍ଡି ଠାରେ ଥିବା ଟାଟା କମ୍ପାନୀ ରେ କାର୍ଯ୍ୟରେ ଯୋଗ ଦେବାକୁ ଯାଉଥିବା ବେଳେ ମାଣ୍ଡିଆପଲ୍ଲୀ ଛକ ଠାରେ ଏକ ଆକ୍ଟିଭା ପଛ ପଟରୁ ଧକ୍କା ଦେବାରୁ ଯୋଗେନ୍ଦ୍ର ତଳେ କଚାଡି ହୋଇ ପଡିଯାଇଥିଲା। ଫଳରେ ଗୁରୁତର ଯୋଗେନ୍ଦ୍ରଙ୍କୁ ବ୍ରହ୍ମପୁର ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା ଏବଂ ମଧ୍ୟରାତ୍ରରେ ଚିକିତ୍ସିତ ଅବସ୍ଥାରେ ମୃତ୍ୟୁ ହୋଇଥିବା ଡାକ୍ତର ଘୋଷଣା କରିଥିଲେ। ଆଜି ଯୋଗେନ୍ଦ୍ରଙ୍କ ପରିବାର ପକ୍ଷରୁ ଗୋପାଳପୁର ଥାନାରେ ଲିଖିତ ଅଭିଯୋଗ କରାଯାଇଥିଲା। ଏ ସଂକ୍ରାନ୍ତରେ କେସ ନଂ ୩୯/୨୨ ମାମଲା ରୁଜୁ କରି ମୃତଦେହ ବ୍ୟବଚ୍ଛେଦ ପରେ ପରିବାର ସଦସ୍ୟଙ୍କୁ ହସ୍ତାନ୍ତର କରାଯାଇଥିବା ଥାନା ପକ୍ଷରୁ ସୂଚନା ମିଳିଛି।
Comments are closed.