ମୁମ୍ବଇ : ବଲିଉଡର ମହାନାୟକ ଅମିତାଭ ବଚ୍ଚନ ଏକ ବିଳାସପୂର୍ଣ୍ଣ ପ୍ରିମିୟମ୍ ଇ-କାର କ୍ରୟ କରିଛନ୍ତି । ବିଗ୍ ବି ବିଏମଡବ୍ଲୁ ଆଇ୭ ସେଡାନ କିଣିଛନ୍ତି । ଏହି କାରର ଦାମ୍ ପ୍ରାୟ ୨.୬୨ କୋଟି ଟଙ୍କା । ଏହି କାର ପ୍ରାୟ ୪.୭ ସେକେଣ୍ଡରେ ଶୂନ୍ୟରୁ ୧୦୦ କିଲୋମିଟର ପ୍ରତି ଘଣ୍ଟା ସ୍ପିଡ୍ ଧରିପାରେ । ଏହି କାରକୁ ଅଜୟ ଦେବଗନ୍, ଥଲାପତି ବିଜୟ, ଜ୍ୟାକଲିନ୍ ଫର୍ଣ୍ଣାଡିଜ୍, କିମ୍ ଶର୍ମା, ରେଖା, ଶେଖର ସୁମନ, ଜହିର ଇକବାଲ ଭଳି ସେଲିବ୍ରିଟି କିଣିସାରିଛନ୍ତି ।
ଏହି କାରରେ ୧୪.୯ ଇଞ୍ଚର କର୍ଭଡ ଇନଫୋଟେଣ୍ଟମେଣ୍ଟ ସିଷ୍ଟମ, ୧୨.୩ ଇଞ୍ଚର ଇନଷ୍ଟ୍ରୁମେଣ୍ଟ କ୍ଲଷ୍ଟର, ରିୟର ପାସେଞ୍ଜର ପାଇଁ ୩୧.୩ ଇଞ୍ଚର ୮କେ ସ୍କ୍ରିନ୍ ସମେତ ଅନେକ ଷ୍ଟାଣ୍ଡାର୍ଟ ଫିଚର୍ ମିଳେ । ଏହା ବିଲ୍ଟ-ଇନ ଆମାଜନ ଫାୟାର ଟିଭିକୁ ସପୋର୍ଟ କରିଥାଏ । ଏହି ଇଲେକ୍ଟ୍ରିକ୍ ସେଡାନ ୬୫୦.୩୯ ବିଏଚପିର ସର୍ବାଧିକ ପାଓ୍ବର ଉତ୍ପନ କରିଥାଏ । ଏହି ଇ-କାର୍ ପ୍ରାୟ ୪.୭ ସେକେଣ୍ଡରେ ୧୦୦ ସ୍ପିଡ୍ ଧରିପାରେ । ଏହାର ସର୍ବାଧିକ ଗତି ଘଣ୍ଟାପ୍ରତି ୨୫୦ କିଲୋମିଟର । ଫୁଲ ଚାର୍ଜ କଲେ ଏହି କାର୍ ୫୬୦ ରୁ ୬୦୦ କିଲୋମିଟର ପର୍ଯ୍ୟନ୍ତ ଯାଇପାରିବ ।
ପୂର୍ବରୁ ଅମିତାଭଙ୍କ ପାଖରେ ରେଞ୍ଜ ରୋଭର ଏଲଡବ୍ଲୁବି ଏସବି, ରେଞ୍ଜ ରୋଭର ଅଟୋବାୟୋଗ୍ରାଫି, ପୋର୍ଚେ କ୍ୟାମେନ୍ ଏସ୍, ମର୍ସିଡିଜ୍ ବେଞ୍ଜ ବି-କ୍ଲାସ, ରୋଲ୍ସ ରୟସ ଫାଣ୍ଟମ, ମିନି କୁପର ଏସ୍, ମର୍ସିଡିଜି ଏସ୍-କ୍ଲାସ୍, ଟୋୟୋଟା ଲ୍ୟାଣ୍ଡ କ୍ରୁଜର, ମହିନ୍ଦ୍ରା ଥାର୍, ଟୋୟୋଟା ଇନୋଭା କ୍ରିଷ୍ଟା ଭଳି କାର ରହିଛି ।
