ଭବାନୀପାଟଣା: ଇନ୍ଦ୍ରାବତୀ ଉଠା ଜଳସେଚନ କେନାଲର କନିଷ୍ଠ ଯନ୍ତ୍ରୀ ଭବାନୀ ଶଙ୍କର ମହନ୍ତ(୨୯)ଙ୍କ ମୃତଦେହ ଶୁକ୍ରବାର ସୁନାମାଲ ନିକଟ କେନାଲରେ ଭାସମାନ ଅବସ୍ଥାରେ ଠାବ ହୋଇଛି। ନିକଟରେ ତାଙ୍କ ବାଇକ୍ ଠାବ ହୋଇଥିବା ବେଳେ ବାଇକର ସମ୍ମୁଖ ଭାଗରେ ପର୍ସ ଇତ୍ୟାଦି ରହିଛି। ତେବେ ତାଙ୍କ ବ୍ୟାଗଟି କାନ୍ଧରେ ଝୁଲିବା ଅବସ୍ଥାରେ ଅଛି।
ସୂଚନା ଅନୁଯାୟୀ, ଗୁରୁବାର ସେ ଡ୍ୟୁଟିରେ ବାହାରିବା ପରେ ଦିନ ୧ଟାରୁ ତାଙ୍କ ଫୋନ୍ ବନ୍ଦ ଥିଲା। ସନ୍ଧ୍ୟା ସୁଦ୍ଧା ତାଙ୍କ ଖବର ନ ପାଇ ବିଭାଗୀୟ ଏସଡିଓ ଏନେଇ ଜୟପାଟଣା ଥାନାରେ ସୂଚନା ଦେଇଥିଲେ। ଆଜି ତାଙ୍କ ମୃତଦେହ ମେଗା ଲିଫ୍ଟ କେନାଲର ସୁନାମାଲ୍ ନିକଟରେ ଭାସୁଥିବା ଖବର ପାଇ କେନାଲରେ ପାଣି ବନ୍ଦ କରାଯାଇଛି। ସ୍ଥାନୀୟ ମଙ୍ଗଳପୁର କଲୋନୀରେ ରହୁଥିବା ମୃତ ଭବାନୀ ଶଙ୍କର ଅବିବାହିତ ଥିଲେ ଏବଂ ତାଙ୍କ ଘର ମୟୂରଭଞ୍ଜ ଜିଲାରେ ବୋଲି ଜଣାପଡ଼ିଛି। ତାଙ୍କ ମୃତଦେହ ଠାବ ହେବାପରେ ଧର୍ମଗଡ ଏସଡିପିଓ ଧୀରଜ ଚୋପଦାରଙ୍କ ନେତୃତ୍ୱରେ ଜୟପାଟଣା ପୁଲିସ ଘଟଣାସ୍ଥଳରେ ପହଞ୍ଚି ବିଭିନ୍ନ ଦିଗରେ ତଦନ୍ତ କରୁଛି।
Comments are closed.