ନୂଆଦିଲ୍ଲୀ: ସୋସିଆଲ ମିଡିଆରେ ଟ୍ରୋଲ ହେଉଛି କଂଗ୍ରେସ ନେତା ରହୁଲ ଗାନ୍ଧୀ ଓ ଅଭିନେତ୍ରୀ ପୁନମ କୌରଙ୍କ ଫଟୋ । କଂଗ୍ରେସର ଭାରତ ଯୋଡ ଯାତ୍ରାରେ ଉଭୟ ହାତ ଧରି ଚାଲୁଥିବା ଏକ ଫଟୋ ସାମାଜିକ ଗଣମାଧ୍ୟମରେ ଭାଇରାଲ ହେଉଛି । ଫଟୋକୁ ନେଇ କିଛି ସାଧାରଣ ଲୋକ ପ୍ରତିକ୍ରିୟା ରଖିଥିବା ବେଳେ କିଛି ବିଜେପି କର୍ମୀ ମଧ୍ୟ ନିଜର ମତ ରଖିଛନ୍ତି ।  ଅଭିନେତ୍ରୀ ପୁନମ ମଧ୍ୟ ବିଜେପି ନେତ୍ରୀ ପ୍ରୀତି ଗାନ୍ଧୀଙ୍କୁ ଉତ୍ତର ଦେଇଛନ୍ତି । ଭରତ ଯୋଡା ଯାତ୍ରା ସମୟରେ ରାହୁଲ ଗାନ୍ଧୀ କାହିଁକି ତାଙ୍କ ହାତ ଧରିଥିଲେ ସେ ନେଇ କହିଛନ୍ତି ।

ଟ୍ୱିଟରରେ କର୍ଣ୍ଣାଟକ ବିଜେପି ନେତ୍ରୀ ପ୍ରୀତି ଗାନ୍ଧୀ ଏହି ଫଟୋ ପୋଷ୍ଟ କରିଛନ୍ତି । ସେ ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲରେ ଲେଖିଛନ୍ତି ଯେ ଜେଜେବାପାଙ୍କ ପଦ ଅନୁସରଣ କରନ୍ତୁ । ଏହାକୁ ନେଇ ପୁନମ ମଧ୍ୟ ପ୍ରତି ଉତ୍ତର ଦେଇଥିବା ଦେଖିବାକୁ ମିଳିଛି । ପୁନମ କହିଛନ୍ତି କି, ଏହା ପ୍ରକୃତରେ ତୁମକୁ ଅପମାନଜନକ । ମନେରଖ, ପ୍ରଧାନମନ୍ତ୍ରୀ ନାରୀ ଶକ୍ତି ବିଷୟରେ କଥାବାର୍ତ୍ତା କରନ୍ତି । ମୁଁ ତଳେ ପଡ଼ିଯାଉଥିଲି, ସାର୍ ମୋ ହାତକୁ ଧରିଥିଲେ । ଏଥି ପାଇଁ ରାହୁଲ ଗାନ୍ଧୀଙ୍କୁ ଧନ୍ୟବାଦ ।