ଭବାନିପାଟଣା: ଜଳର ଅନ୍ୟ ନାମ ଜୀବନ। ଜଳ ବିନା ଜୀବନ ଦୁର୍ବିସହ। ଦିନକୁ ଦିନ ଖଣି ଖନନ ପାଇଁ ଜଳ ଉତ୍ସ ଶୁସ୍କ ହେବାରେ ଲାଗିଛି। ଗଭୀର ନଳକୁପ ପାଇଁ ଭୁତଳ ଜଳସ୍ତର ନିମ୍ନଗାମୀ ହେବାରେ ଲାଗିଛି। ନଷ୍ଟ ହେଉଛି ଜଙ୍ଗଲର ସବୁଜିମା। ସୃଷ୍ଟି ହେଉଛି କଂକ୍ରିଟ ଜଙ୍ଗଲ। ଯାହା ଆଗାମୀ ଦିନରେ ମାନବ ସଭ୍ୟତା ପ୍ରତି ବିପଦ ସୃଷ୍ଟି କରୁଛି। ଏମିତି ରିତିମତ ଖଣି ଖନନ ଯୋଗୁଁ ଅନେକ ପ୍ରାକୃତିକ ଜଳ ଉତ୍ସ ଝରଣା ସବୁ ଶୁଖି ମୃତ୍ୟୁ ବରଣ କରି ସାରିଲାଣି। ପୁଣି ଯଦି ବିକାଶ ନାଁରେ ଖଣିଖନନ ଓ ପ୍ରକୃତିକ ଜଙ୍ଗଲକୁ ନଷ୍ଟ କରି ଏମିତି ବିନାଶ କରାଯାଏ, ତେବେ ମାନବ ସଭ୍ୟତା ପ୍ରତି ବିପଦ ସୃଷ୍ଟି ହେବ। ପ୍ରାକୃତିକ ଜଲ ୁତ୍ସ ବଂଚିଲେ ଯାଇ ମାନବ ସଭ୍ୟତା ବଂଚିବ ବୋଲି ଲୋକଶକ୍ତି ଅଭିଯାନର ଅଧ୍ୟକ୍ଷ ତଥା ଗ୍ରୀନ ନୋବେଲ ବିଜେତା ପ୍ରଫୁଲ୍ଲ୍ କୁମାର ସାମନ୍ତରା କଳାହାଣ୍ଡି ର ଇନ୍ଦ୍ରାବତୀ ଉଦ୍ଗମ ସ୍ଥଳ ଓ ନାଗାବଳୀ ଏବଂ କଳାହାଣ୍ଡି ଦେଇ ପ୍ରବାହିତ ଅନ୍ୟ ନଦୀ ର ପ୍ରାକୃତିକ ଜଳ ଉତ୍ସ ସବୁର ପରିଦର୍ଶନ କରି ମତବ୍ୟକ୍ତ କରିଥିଲେ।
ଲୋକ ଶକ୍ତି ଅଭିଯାନ ଏବଂ ଏନ.ଏ.ପି.ଏମ ଓଡ଼ିଶା ତରଫରୁ ଆରମ୍ଭ ହେଇଛି ନଦୀ ଓ ଜଳ ଉତ୍ସ ବଂଚାଅ ଅଭିଯାନ। ବୁଧବାର ଲୋକଶକ୍ତି ଅଭିଯାନର ଅଧ୍ୟକ୍ଷ ଶ୍ରୀ ସାମନ୍ତରାଙ୍କ ସମେତ ପ୍ରକୃତି ଗବେଷିକା ଡାକ୍ତର ବ୍ରତନ୍ଦୀ ଜେନା, ନିୟମଗିରୀ ଆନ୍ଦୋଳନର ନେତା ଲିଙ୍ଗରାଜ ଆଜାଦ ଏବଂ କର୍ଲାପାଟ ଓ ଖଣ୍ଡୁଆଳ ମାଳି ସୁରକ୍ଷାର ନେତା କାର୍ତିକ ମାଝୀ ପ୍ରମୁଖ ଏହି ଅଭିଯାନରେ ସାମିଲ ହେଇ ଥୁଆମୁଳ ରାମପୁର ଅଂଚଳର ବିଭିନ୍ନ ପ୍ରାକୃତିକ ଜଳ ଉତ୍ସ ସବୁ ପରିଦର୍ଶନ କରି ଜଳ ଉତ୍ସ ସବୁ ଶୁଖିଯାଉଥିବାରୁ ଚିନ୍ତା ପ୍ରକଟ କରିବା ସହ ତାର ସୁରକ୍ଷା ନେଇ ଆଲୋଚନା କରିଥିଲେ।
Comments are closed.