କଲମପୁର: ନଭେମ୍ବର ୧୬ ଜାତୀୟ ପ୍ରେସ ଦିବସ। ଏ ଅବସରରେ କଲମପୁର ଗ୍ରାମ ପଂଚାୟତ ସଭାଗୃହ ଠାରେ କଲମପୁର ସାମ୍ବାଦିକ ସଂଘ ତରଫରୁ ଜାତୀୟ ପ୍ରେସ ଦିବସ ପାଳନ କରାଯାଇଛି। କଲମପୁର ସାମ୍ବାଦିକ ସଂଘର ସଭାପତି ପରମାନନ୍ଦ ଠାକୁରଙ୍କ ଅଧ୍ୟକ୍ଷତାରେ ଆୟୋଜିତ ଏହି ସଭାରେ ବି.ଡି.ଓ ପ୍ରଶନ୍ନ କୁମାର ପଟେଲ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ମୁଖ୍ୟ ବକ୍ତା ଭାବେ ତହସିଲଦାର ରୁଦ୍ର ମୋହନ ନାୟକ ସମ୍ମାନିତ ଅତିଥି ଚତୁର୍ଭୁଜ ପଣ୍ଡା, ଓଡ଼ିଶା ଗ୍ରାମାଂଚଳ ସାମ୍ବାଦିକ ସଂଘର ସମ୍ପାଦକ ତୁଳସୀ ରାମ ଛତ୍ରିଆ ପ୍ରମ୍ରୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ପ୍ରଶାସନ ଓ ଜନସାଧାରଣ ମଧ୍ୟରେ ଯୋଗସୁତ୍ର ରକ୍ଷା କରି ଗଣତନ୍ତ୍ରର ଚତୁର୍ଥ ସ୍ତମ୍ବ ଗଣମାଧ୍ୟମ ତାର ଜୟ ଯାତ୍ରା ଜାରି ରଖିଛି। ମୁକର ଭାଷା ପାଲଟି ଗଣମାଧ୍ୟମ କାମ କରୁଥିବା ବେଳେ ଅନେକ କଣ୍ଟକିତ ପଥ ଅତିକ୍ରମ କରିବାକୁ ହେଉଛି। ତେଣୁ ଆଗକୁ ଆହୁରି ପଥ ବାକି ରହିଛି। ତେଣୁ ସମସ୍ତ କଣ୍ଟକିତ ପଥ ଅତିକ୍ରମ କରିବାକୁ ହେବ ବୋଲି ଅତିଥି ମତବ୍ୟକ୍ତ କରିଥିଲେ। ସମସ୍ତ ଅତିଥିଙ୍କୁ ସଂଘ ତରଫରୁ ପୁଷ୍ପଗୁଚ୍ଛ ଓ ଉପଢୌକନ ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା। ଏମ.ଡି ଇଲାହି, ଗଣେଷ ରାମ ବାଗ, ଲକ୍ଷ୍ମୀକାନ୍ତ ବାଗ ସୁରେନ୍ଦ୍ର ନାଏକ, ମନୋଜ ବେମାଲ, କେଶବ ସୁନାନୀ, ଭୋଜରାଜ ଛତ୍ରିଆ, ଅଜିତ ପୁଝାରୀ, ଶରତ ଚନ୍ଦ୍ର ସୁନାନୀ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ସଫଳ କରିବାରେ ସକ୍ରିୟ ସହଯୋଗ କରିଥିଲେ। ସାମ୍ବାଦିକ ରଞ୍ଜନ କୁମାର ସାହୁ ମଂଚ ପରିଚାଳନା କରିଥିବା ବେଳେ ଗଣେଷ ରାମ ବାଗ ଧନ୍ୟବାଦ ଅର୍ପଣ କରିଥିଲେ।
Comments are closed.