ଭବାନୀପାଟଣା : ଗତ ୨୮ ତାରିଖରୁ ମାଓବାଦୀଙ୍କ ସହିଦ୍ ସପ୍ତାହ ପାଳନ କରାଯାଉଥିବାରୁ କଳାହାଣ୍ଡି ଜିଲାର ମାଓପ୍ରବଣ ଅଞ୍ଚଳ ଓ ଜିଲାର ସିମାନ୍ତ ଅଞ୍ଚଳରେ କଳାହାଣ୍ଡି ପୁଲିସ ପକ୍ଷରୁ ମାଓ ପ୍ରବଣ ଅଞ୍ଚଳରେ କମ୍ବିଙ୍ଗ ଅପରେସନ୍ ଜାରି ରହିଛି ବୋଲି କଳାହାଣ୍ଡି ଏସ୍ପି ବାତୁଲା ଗଙ୍ଗାଧର ପ୍ରକାଶ କରିଛନ୍ତି । ଜୁଲାଇ ୨୮ ତାରିଖରୁ ସପ୍ତାହବ୍ୟାପି ମାଓବାଦୀଙ୍କ ସହିଦ୍ ସପ୍ତାହ ପାଳନ କରାଯାଇଛି । କଳାହାଣ୍ଡି ଜିଲାର ବିଭିନ୍ନ ମାଓପ୍ରବଣ ଅଞ୍ଚଳରେ କୌଣସି ପ୍ରକାର ଅପ୍ରିତିକର ପରିସ୍ଥିତି ସୃଷ୍ଟି ନ ହେବ ସେଥିପାଇଁ କଳାହାଣ୍ଡି ଏସ୍ପି ବାତୁଲା ଗଙ୍ଗାଧରଙ୍କ ନେତୃତ୍ୱରେ ସିଆରପିଏଫ୍, କୋବ୍ରା ବାଟାଲିୟନ୍, ଏସ୍ଓଜି, ଡିଭିଏଫ୍ ଏବଂ କଳାହାଣ୍ଡି ପୁଲିସ ପକ୍ଷରୁ ଜୋରଦାର କମ୍ଭିଙ୍ଗ ଅପରେସନ୍ କରାଯିବା ସହିତ ଜିଲାର ସବୁ ସିମାନ୍ତକୁ ପୁଲିସ ସିଲ କରି ଜିଲାଭିତରକୁ ଆସୁଥିବା ସମସ୍ତ ଯାନବାହାନ ଓ ଲୋକମାନଙ୍କୁ କଡା ଯାଞ୍ଚ କରୁଛି। ଏହା ସହିତ ଜିଲ୍ଲାର ସମସ୍ତ ପୁଲିସ ଷ୍ଟେସନ୍ ଓ ସିଏପିଏଫ୍ କ୍ୟାମ୍ପରେ ମଧ୍ୟ କଡା ସୁରକ୍ଷା ବ୍ୟବସ୍ଥା କରାଯାଇଛି ବୋଲି ବି. ଗଙ୍ଗାଧର ପ୍ରକାଶ କରିଛନ୍ତି।
Popular Categories
Previous article
Next article