ନବରଙ୍ଗପୁର : ନବରଙ୍ଗପୁରରେ ଦିନକୁ ଦିନ ବନ୍ୟ ଜନ୍ତୁଙ୍କ ଉପଦ୍ରବ ବଢ଼ିବାରେ ଲାଗିଛି । ବନ୍ୟଜନ୍ତୁ ମାନେ ଜନବସତି ମୁହାଁ ହୋଇ ବ୍ୟାପକ ଧନ ଜୀବନ ନଷ୍ଟ କରିବାରେ ଲାଗିଛନ୍ତି, ବିଶେଷ କରି ଜଙ୍ଗଲ-ପାହାଡିଆ ଅଞ୍ଚଳରେ ଅନେକ ଘଟଣା ଘଟୁଛି। ପାପଡାହାଣ୍ଡି ବ୍ଲକ ଅନ୍ତର୍ଗତ ମୈଦାଲପୁର ପଞ୍ଚାୟତର ଛୋଟ। ଗୁଡାର ଲଛୁ ଭତ୍ରା(୬୫) ଭାଲୁ ଆକ୍ରମଣରେ ଗୁରୁତର ହୋଇଛିନ୍ତି । ଗୁରୁବାର ସକାଳୁ ବୃଦ୍ଧ ଜଣଙ୍କ ଗାଈ ଚରେଇବାକୁ ଜଙ୍ଗଲକୁ ଯାଇଥିବା ବେଳେ ଭାଲୁ ଆକ୍ରମଣର ଶିକାର ହୋଇଥିଲେ। ଗ୍ରାମବାସୀ ଏହା ଦେଖି ସଙ୍ଗେ ସଙ୍ଗେ ଆମ୍ବୁଲାନ୍ସ ଓ ବନବିଭାଗ କର୍ମଚାରୀଙ୍କୁ ଯୋଗାଯୋଗ କରିଥିଲେ । ବନବିଭାଗ କର୍ମଚାରୀ ମାନେ ଗୁରୁତର ଅବସ୍ଥାରେ ତାଙ୍କୁ ପାପଡାହାଣ୍ଡି ମେଡିକାଲରେ ଭର୍ତ୍ତି କରାଇଥିଲେ, ବୃଦ୍ଧ ଜଣଙ୍କର ସ୍ଵାସ୍ଥ୍ୟବସ୍ଥା ଅତ୍ୟଧିକ ସଙ୍କଟାପନ୍ନ ଥିବାରୁ ତାଙ୍କୁ ବର୍ତ୍ତମାନ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
Comments are closed.