ବାସୁଦେବପୁର : ବାସୁଦେବପୁର ଥାନା ବାଣପୁର ଗାଁରେ ଅଭାବନୀୟ ଘଟଣା ଦେଖିବାକୁ ମିଳିଛି। ଚୋରି ଉଦ୍ୟମ କରୁଥିବାବେଳେ ଗ୍ରାମବାସୀମାନେ ୩ଜଣ ଯୁବକଙ୍କୁ କାବୁ କରିଛନ୍ତି। ଏବଂ ନିର୍ଧୁମ୍ ମାଡ ମାରିବା ପରେ ପୁଲିସର ଜିମା ଦେଇଛନ୍ତି। ସୂଚନା ଅନୁସାରେ ଗୁରୁବାର ବିଳମ୍ବିତ ରାତିରେ ୪ ଜଣ ଚୋର ପ୍ରଫୁଲ ବେହେରାଙ୍କ ଘରେ ପଶି ଚୋରି କରିବାକୁ ଉଦ୍ୟମ କରିଥିଲେ। ଏହି ଘଟଣା ଜାଣି ଘର ମାଲିକ ଗ୍ରାମବାସୀଙ୍କୁ ଭିତିରିଆ ଖବର ଦେଇଥିଲେ। କେତେକ ଯୁବଗୋଷ୍ଠୀ ଏକଜୁଟ୍ ହୋଇ ଚୋରଙ୍କୁ କାବୁ କରିଥିଲେ। ଏମାନଙ୍କୁ ବାନ୍ଧିରଖି ଉତମ ମଧ୍ୟମ ଦେବା ପରେ ପୁଲିସର ଜିମା ଦେଇଥିଲେ।
Comments are closed.