ବାଙ୍କୀ: ବୈଦେଶ୍ୱର ସ୍ଥିତ ଦିଶା ମିନି ଷ୍ଟାଡିୟମ ପରିସରରେ ଅନୁଷ୍ଠିତ ୧୪ତମ ବୈଦେଶ୍ୱର କପ୍ କ୍ରିକେଟ୍ ଟୁର୍ଣ୍ଣାମେଣ୍ଟର ଗ୍ରୁପ୍ ବିର ୨ୟ ସେମିଫାଇନାଲ ଖେଳ ଯାଜପୁର ଓ କଟକ ସ୍ମାଇଲ୍ ମଧ୍ୟରେ ମଙ୍ଗଳବାର ଦିନ ଅନୁଷ୍ଠିତ ହୋଇଯାଇଛି। ଖେଳକୁ ଆନୁଷ୍ଠାନିକ ଭାବେ ଧରଣୀଧର ମହାନ୍ତି ଏବଂ ଗଣେଶ ଚନ୍ଦ୍ର ସେଠୀ ଉଦ୍ଘାଟନ କରି ଉଭୟ ଦଳର ଖେଳାଳିମାନଙ୍କୁ ସ୍ୱାଗତ ଜଣାଇଛନ୍ତି। ପ୍ରଥମେ ଯାଜପୁର ନିର୍ଦ୍ଧାରିତ ୨୦ଓଭର ବ୍ୟାଟିଂ କରି ସମସ୍ତ ଓିକେଟ ହରାଇ ୧୨୯ରନ ସଂଗ୍ରହ କରିଥିଲେ। ଏହାର ଜବାବରେ କଟକ ସ୍ମାଇଲ୍ ୩ ୱିକେଟ ବିନିମୟରେ ୧୩୦ରନ ସଂଗ୍ରହ କରି ବିଜୟୀ ହୋଇ ଫାଇନାଲରେ ପ୍ରବେଶ କରିଛି। ପ୍ରେମାନନ୍ଦ ବେହେରା ଓ ସୁନିଲ କୁମାର ବେହେରା ଖେଳ ପରିଚାଳନା କରିଥିଲା ବେଳେ ବିନୋଦ ବିହାରୀ ବେହେରା ସ୍କୋରର ଭାବେ କାର୍ଯ୍ୟ ପରିଚାଳନା କରିଥିଲେ। ଆସନ୍ତା ୩୦ ତାରିଖ ଗୁରୁବାର ଦିନ ରାଇଜିଂଷ୍ଟାର କୁମାରବସ୍ତ ଏବଂ କଟକ ସ୍ମାଇଲ୍ କ୍ରିକେଟ୍ କ୍ଲବ ମଧ୍ୟରେ ଫାଇନାଲ ଖେଳ ଅନୁଷ୍ଠିତ ହେବ ବୋଲି ଅନୁଷ୍ଠାନର ସଭାପତି ବିଶ୍ୱନାଥ ଦାସ ସୂଚନା ଦେଇଛନ୍ତି। ଆଜିର ଖେଳରେ ଆଇ.ଏସ.ଗିରି ୩୨ ରନ୍ ସହିତ ୨ଟି ଓିକେଟ୍ ଅକ୍ତିଆର କରି ମ୍ୟାନ୍ଅଫ ଦି ମ୍ୟାଚ୍ ବିବେଚିତ ହୋଇଛନ୍ତି।
Comments are closed.