ବାଲେଶ୍ୱର : ବାଲେଶ୍ୱର ଜିଲା ଜଳେଶ୍ୱର ଅଞ୍ଚଳର ବାଲିଆପାଳ ଥାନା ଅନ୍ତର୍ଗତ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ନିକଟ ବସ୍ତା ରାସ୍ତାରେ ଥିବା ଏକ ଢାବାରୁ ଶୁକ୍ରବାର ଏକ ନାବାଳକର ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରାଯାଇଛି। ନାବାଳକ ହେଉଛି ବିଜୟ ଦଳାଇ (୧୬)। ସେ ନାସିନ୍ଦା ପଞ୍ଚାୟତ ଓଲୁଡ଼ା ଗ୍ରାମର ବୋଲି ଜଣାପଡ଼ିଛି। ଘଟଣା ସମ୍ପର୍କରେ ପୁଲିକୁ ଖବର ଜଣାଇବା ପରେ ପୁଲିସ ମୃତଦେହକୁ ଉଦ୍ଧାର କରିଥିଲା। ମାତ୍ର ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି ହେବା ସହ କେହି ନାବାଳକକୁ ହତ୍ୟା କରି ଟାଙ୍ଗି ଦେଇଥିବା ନେଇ ପରିବାର ଲୋକେ ଅଭିଯୋଗ କରିଛନ୍ତି। ଲୋକେ ଉତକ୍ଷିପ୍ତ ହୋଇ ବାଲିଆପାଳ ଆଇଆଇସିଙ୍କୁ ମାଡ଼ ମାରିଛନ୍ତି। ଏହାସହ ଉତ୍ତ୍ୟକ୍ତ ଲୋକେ ଓ ପରିବାର ଲୋକେ ରାସ୍ତାରୋକ କରିଛନ୍ତି। ସୂଚନା ଅନୁଯାୟୀ, ୪ ବର୍ଷ ହେବ ଘଟଣା ଘଟିଥିବା ହୋଟେଲରେ ବିଜୟଙ୍କ କାକା ମହେଶ୍ୱର ଦଳାଇ କାମ କରୁଥିଲା। ଦେଢ ବର୍ଷ ତଳେ ସେ ବିଜୟକୁ ହୋଟେଲକୁ କାମ କରିବାକୁ ଆଣିଥିଲା। ମାତ୍ର ଆଜି ସକାଳେ ବିଜୟଙ୍କର ସନ୍ଦେହ ଜନକ ଭାବେ ଝୁଲନ୍ତା ଅବସ୍ଥାରେ ମୃତଦେହ ମିଳିଥିଲା।
Popular Categories
Previous article
Next article