ବଲାଙ୍ଗୀର : ଚିର ମରୁଡି ବଲାଙ୍ଗୀର ଜିଲା। ବର୍ଷା ପାଣି ଉପରେ ଜିଲାର ଚାଷର ଭାଗ୍ୟ ସମ୍ପୂର୍ଣ୍ଣ ଭାବେ ନିର୍ଭର କରୁଥିବା ବେଳେ କିଛି ଦିନର ଭଳ ବର୍ଷା ପରେ ଏବେ ବଲାଙ୍ଗୀରରେ ଉଭେଇଗଲାଣି ବର୍ଷା। ଜୁଲାଇ ପ୍ରାରମ୍ଭରୁ ପ୍ରଥମ ସପ୍ତାହରେ ଭଲ ବର୍ଷା ହୋଇଥିବା ବେଳେ ଗତ କିଛି ଦିନ ହେଲା ପାଗ ଶୁଖିଲା ରହିଛି। ଫଳରେ ପଛେଇଯାଇଥିବା ଚାଷ ଆହୁରି ବିଳମ୍ବ ହେବାର ଆଶଙ୍କା ପ୍ରକାଶ ପାଇଛି। ଲଗାତାର କିଛି ଦିନର ଭଲ ବର୍ଷା ଅପେକ୍ଷାରେ ଥିବା ଚାଷୀ ଏବେ ଚାଷକୁ ନେଇ ଦ୍ୱନ୍ଦାତ୍ମକ ପରିସ୍ଥିତିରେ ପଡିଥିବା ପ୍ରକାଶ କରିଛି। ନଦୀ, ନାଳରେ ପାଣି ଆସିନି। ଯାହା ବି ଆସିଛି ତାକୁ ବ୍ୟବହାର କରି ଚାଷ କରିବା କଷ୍ଟ। କିଛି ଦିନର ବର୍ଷାରେ ମାଟି ଭଲ ଭାବେ ଓଦା ବି ହୋଇନଥିବା ବେଳେ ଭଗବାନ ଭରସାରେ ଆରମ୍ଭ କରିଥିବା ଚାଷ ଆଗକୁ ଯଦି ବର୍ଷା ନହେଲା ତେବେ ଧାନଚାଷ ନଷ୍ଟ ହେବାର ଯଥେଷ୍ଟ ସମ୍ଭାବନା ରହିଛି।
Comments are closed.