ବକୁଳ ବନ ମହୋତ୍ସବ

ସାକ୍ଷୀଗୋପାଳ :  ବକୁଳ ବନ ମହୋତ୍ସବ କମିଟି, ସାକ୍ଷୀଗୋପାଳ ତରଫରୁ ଐତିହାସିକ ବକୁଳ ବନ ପରିସରରେ ୧୮ ତମ ବକୁଳ ବନ ମହୋତ୍ସବ ଅନୁଷ୍ଠିତ ହୋଇଯାଇଛି। ଅନୁଷ୍ଠାନର  ସଭାପତି ସାଧୁ ଚରଣ ବେହେରାଙ୍କ  ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ପ୍ରତିଭା ମହାରଥୀ, ମୁଖ୍ୟ ବକ୍ତା ରୂପେ ପୂର୍ବତନ ସାଂସଦ ପ୍ରସନ୍ନ ପାଟ୍ଟଶାଣୀ, ସମ୍ମାନିତ ଅତିଥି ରୂପେ ସତ୍ୟବାଦୀ ବ୍ଲକ ଅଧ୍ୟକ୍ଷ ସୁନୀଲ କୁମାର ପଣ୍ଡା, ରାଜେଶ କୁମାର ମିଶ୍ର, ରାଜ କିଶୋର ସ୍ୱାଇଁ, ଶରତ ଚନ୍ଦ୍ର ମିଶ୍ର ପ୍ରମୁଖ ଯୋଗ ଦେଇଥିଲେ। ଅନୁଷ୍ଠାନର ସମ୍ପାଦକ ଯଯାତି କେଶରୀ ରାୟ ଅତିଥି ପରିଚୟ ପ୍ରଦାନ କରିଥିଲେ। ଏହି ଅବସରରେ ବିଶିଷ୍ଟ ସାମ୍ବାଦିକ ଓ ସମାଜସେବୀ ମାନଙ୍କୁ ଅତିଥି ମାନେ ମାନପତ୍ର ଓ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧନା ପ୍ରଦାନ କରିଥିଲେ। ଅନୁଷ୍ଠାନର ଉପ ସଭାପତି ଲକ୍ଷ୍ମୀ ପ୍ରସାଦ ପାଣି କାର୍ଯ୍ୟକ୍ରମ ସଂଯୋଜନା କରିଥିଲେ। ଉପେନ୍ଦ୍ର ବିଶ୍ୱାଳ, ଲିଲିମା ରଥ, ମାନସ ରାଉତ, ବିହାରୀ ବିଶ୍ୱାଳ, ସୁଜାତା ଦେବୀ ଓ ବିଶାଖା ଦେବୀ ପ୍ରମୁଖ ସହଯୋଗ କରିଥିଲେ। କମିଟିର ଉପଦେଷ୍ଟା ସଚ୍ଚିକାନ୍ତ ବିଶ୍ୱାଳ ଧନ୍ୟବାଦ ଅର୍ପଣ କରିଥିଲେ।