ମୁମ୍ବଇ: ପ୍ରଖ୍ୟାତ ବଲିଉଡ଼ ଅଭିନେତ୍ରୀ ଶବାନା ଆଜମୀ ୧୪ ଦିନ ପରେ ଶୁକ୍ରବାର ଡାକ୍ତରଖାନାରୁ ଘରକୁ ଫେରିଛନ୍ତି। ଶନିବାର ଶବାନା ନିଜେ ପ୍ରଶଂସକମାନଙ୍କୁ ସାମାଜିକ ଗଣମାଧ୍ୟମ ଜରିଆରେ ଡାକ୍ତରଖାନାରୁ ଫେରିବା ନେଇ ସୂଚନା ଦେଇଛନ୍ତି। ଏହା ସହିତ ତାଙ୍କ ଆରୋଗ୍ୟ କାମନା କରିଥିବା ସମସ୍ତ ବ୍ୟକ୍ତିଙ୍କୁ ସେ କୃତଜ୍ଞତା ଜ୍ଞାପନ କରିଛନ୍ତି। ସେ ଲେଖିଛନ୍ତି, “ମୋର ଶୀଘ୍ର ଆରୋଗ୍ୟ କାମନା କରିଥିବା ସମସ୍ତ ବ୍ୟକ୍ତିଙ୍କୁ ମୁଁ କୃତଜ୍ଞତା ଜ୍ଞାପନ କରୁଛି। ମୁଁ ଏବେ ଘରକୁ ଫେରି ଆସିଛି। ଏହା ସହିତ ନିଜର ଉତ୍ତମ ଦେଖାଶୁଣା ପାଇଁ ସେ ଟିନା ଅମ୍ବାନୀ ଓ କୋକିଲାବେନ୍ ଅମ୍ବାନୀ ହସ୍ପିଟାଲକୁ ଧନ୍ୟବାଦ ଜ୍ଞାପନ କରିଛନ୍ତି। ସାମାଜିକ ଗଣମାଧ୍ୟମରେ ଶବାନା ନିଜ ସୁସ୍ଥ ହୋଇ ଫେରିବା ଖବର ଦେବା ପରେ ଅନେକ କଳାକାର, ରାଜନେତା ଓ ପ୍ରଶଂସକ ତାଙ୍କୁ ଶୁଭେଚ୍ଛା ଜଣାଇବା ସହ ଖୁସି ବ୍ୟକ୍ତ କରିଛନ୍ତି।
Thank you all for your prayers and wishes for my https://t.co/A21IxD7Usd back home now Thank you #Tina Ambani and Kokilaben Ambani hospital for the sterling care provided by the doctors team and the nursing staff. Im indebted and grateful? pic.twitter.com/6a1PWsGKnn
— Azmi Shabana (@AzmiShabana) February 1, 2020
ସୂଚନାଯୋଗ୍ୟ, ଗତ ୧୮ ତାରିଖରେ ମୁମ୍ବଇ-ପୁଣେ ଏକ୍ସପ୍ରେସ୍ ୱେରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାର ଶିକାର ହୋଇ ଶବାନା ଗୁରୁତର ଭାବେ ଆହତ ହୋଇଥିଲେ। ଏହାପରେ ତାଙ୍କୁ ମୁମ୍ବଇର କମୋଠେ ସ୍ଥିତ ମହାତ୍ମାଗାନ୍ଧୀ ମିଶନ ମେଡିକାଲ କଲେଜ ଆଣ୍ଡ୍ ହସ୍ପିଟାଲରେ ଭର୍ତ୍ତି କରାଯାଇଥିଲା। ପରେ ତାଙ୍କୁ ଅନେ୍ଧରୀ ସ୍ଥିତ କୋକିଲାବେନ୍ ଧୀରୁଭାଇ ଅମ୍ବାନୀ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା।
Comments are closed.