ଆଗଲପୁର:ଆଗଲପୁର ସିଡ଼ିପିଓଙ୍କ ବଦଳି ଦାବିକରି ଅଙ୍ଗନୱାଡ଼ି କର୍ମୀମାନେ ସିଡ଼ିପିଓଙ୍କ କାର୍ୟ୍ୟାଳୟ ଆଗରେ ଧାରଣା ଦେଇଥିବା ଜଣାପଡ଼ିଛି। ସିଡ଼ିପିଓ ଜ୍ୟୋତିର୍ମୟୀ ନାଏକ ବିଭିନ୍ନ ସମୟରେ ଯେଉଁ ଅଙ୍ଗନବାଡି କେନ୍ଦ୍ରକୁ ପରିଦର୍ଶନ କରନ୍ତି ସେଠାରେ ସର୍ବ ସମ୍ମୁଖରେ ଅଙ୍ଗନବାଡି କର୍ମୀମାନଙ୍କୁ ଚିଠିରେ ମାରିବି ନାହିଁ ପେଟରେ ମାରିବି କହି ଗାଳି ଗୁଲଜ କରନ୍ତି। ଏହି ବିଷୟକୁ ନେଇ ଯେଉଁ କର୍ମୀ ପ୍ରତିବାଦ କଲେ ଦରମା ବନ୍ଦ କରିଦିଆଯାଉଛି। ଏଥି ସହିତ ବିନା କାରଣରେ ଅନେକ କର୍ମୀଙ୍କର ଦରମା ମଧ୍ୟ ସିଡିପିଓ ବନ୍ଦ କରିଦିଅନ୍ତି ବୋଲି ଅଭିଯୋଗ କରିଛନ୍ତି ଅଙ୍ଗନବାଡି କର୍ମୀ। ସିଡ଼ିପିଓଙ୍କ ଦୁର୍ବ୍ୟବହାର ବିରୋଧରେ ମୁହଁ ଖୋଲିଲେ ଦରମା ବନ୍ଦ କରିଦେଉଥିବାରୁ କେତେକ କର୍ମୀ ପାଟି ଖୋଲି ପାରୁନାହାଁନ୍ତି। ଶୁକ୍ରବାର ବହୁ ଅଙ୍ଗନବାଡି କର୍ମୀମାନେ ମିଳିତ ଭାବରେ ସିଡିପିଓଙ୍କ କାର୍ଯ୍ୟାଳୟ ସାମ୍ନାରେ ଧାରଣାରେ ବସିବା ପରେ ଘଟଣାସ୍ଥଳକୁ ବଲାଙ୍ଗୀର ଉପଜିଲାପାଳ ସଞ୍ଜୟ କୁମାର ମିଶ୍ର ପହଞ୍ଚି କର୍ମୀ ମାନଙ୍କ ସହ ଆଲୋଚନା କରି ଏହି ଘଟଣାର ତଦନ୍ତ କରାଯିବାକୁ ପ୍ରତିଶୃତି ଦେବାପରେ ଧାରଣା ପ୍ରତ୍ୟାହୃତ ହୋଇଥିଲା।
