ମୁମ୍ବଇ : ବଲିଉଡ ଅଭିନେତା ଅମୀର ଖାନ ସାମାଜିକ ମାଧ୍ୟମରେ ନିଜର ପ୍ରଶଂସକ ମାନଙ୍କ ଦ୍ୱାରା ତାଚ୍ଛଲ୍ୟର ଶିକାର ହୋଇଛନ୍ତି। ଅଭିନେତା ଅମୀର ବର୍ତ୍ତମାନ ସ୍ତ୍ରୀ କିରଣ ରାଓ, ପୁଅ ଆଜାଦ ରାଓ, ଝିଅ ଇରା ଖାନଙ୍କ ସହ ତାମିଲନାଡୁର କୁନୁର ପର୍ବତରହଣୀ ସ୍ଥଳୀରେ ଗ୍ରୀଷ୍ମ କାଳୀନ ଛୁଟି କଟାଉଛନ୍ତି। ଏହି ଛୁଟିର ଏକ ଫଟୋ ଅଭିନେତା ଅମୀର ନିଜର ଫେସବୁକ ଆକାଉଣ୍ଟରେ ପୋଷ୍ଟ କରିଛନ୍ତି। ଏହି ଫଟୋରେ ଅମୀର ପ୍ରଥମ ସ୍ତ୍ରୀ ରୀନା ଦତ୍ତଙ୍କ ଝିଅ ଇରା ଖାନଙ୍କ ସହ ମଜା କରୁଥିବାର ନଜର ଆସୁଛନ୍ତି। କିନ୍ତୁ ଏହି ଫଟୋକୁ କିଛି ପ୍ରଶଂସକ କମେଣ୍ଟକରି ଅମୀରଙ୍କୁ ତାଚ୍ଛଲ୍ୟ କରିଛନ୍ତି। ଏହି ଫଟୋରେ ଇରା ଏକ ଛୋଟ ପୋଷାକ ପିନ୍ଧି ଅମୀରଙ୍କ ଉପରେ ବସିଥିଲେ। ରମଜାନ ସମୟରେ ଏଭଳି ଫଟୋ ଅମୀରଙ୍କୁ ଫେସବୁକରେ ସେୟାର କରିବାର ନ ଥିଲା ବୋଲି, ପ୍ରଶଂସକ ଲେଖିଛନ୍ତି। ଅନ୍ୟକିଛି ପ୍ରଶଂସକ କହିଛନ୍ତି, ରମଜାନ ସମୟରେ ଇରା ଏଭଳି ପୋଷାକ ପରିଧାନ କରିବାର ନ ଥିଲା। ଅଭିନେତା ଅମୀର ଖାନ ନିର୍ଦେଶକ ମଂସୁର ଖାନଙ୍କ ଜନ୍ମଦିନ ପାଳିବାପାଇଁ ତାମିଲନାଡୁ ଯାଇଥିବା ନିଜର ଟୁଇଟର୍ ଆକାଉଣ୍ଟରେ ଉଲ୍ଲେଖ କରିଛନ୍ତି।
Popular Categories
Previous article
Next article