ଭୁବନେଶ୍ୱର : ଯୁକ୍ତ ୨ ଅନ୍ଲାଇନ୍ ଫର୍ମ ଦାଖଲର ଶେଷ ତାରିଖ ପରିବର୍ଦ୍ଧନ ପାଇଁ ଏ.ଆଇ.ଏସ୍.ଏଫ୍. ପକ୍ଷରୁ ଦାବି କରାଯାଇଛି। ଚଳିତମାସ ୨୧ତାରିଖରୁ ଫର୍ମ ପୂରଣ ପ୍ରକ୍ରିୟା ଆରମ୍ଭ ହୋଇଛି। କିନ୍ତୁ ଛାତ୍ରଛାତ୍ରୀମାନେ ଅନ୍ଲାଇନ୍ର ଆବେଦନ କରିବା ସମୟରେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। ଟେକନିକାଲ୍ ଅସୁବିଧା କାରଣରୁ ଏକାଥରେ ବହୁ ଛାତ୍ରଛାତ୍ରୀ ଆବେଦନ କରୁଥିବାରୁ ଏଭଳି ସମସ୍ୟା ଉପୁଜୁଛି ବୋଲି ବିଦ୍ୟାର୍ଥୀମାନେ ଅଭିଯୋଗ କରିଛନ୍ତି। ଯାହାଫଳରେ ହଜାର ହଜାର ଛାତ୍ରଛାତ୍ରୀ ନାମ ପଞ୍ଜିକରଣ କରିଥିଲେ ସୁଦ୍ଧା ଆବେଦନ କରିପାରୁନାହାଁନ୍ତି।
ଆସନ୍ତା ସେପ୍ଟେମ୍ବର ୪ ପର୍ଯ୍ୟନ୍ତ କମନ୍ ଆପ୍ଲିକେସନ୍ ଫର୍ମ ଶେଷ ତାରିଖ ହୋଇଥିବାରୁ ବିଦ୍ୟାର୍ଥି ଓ ଅଭିଭାବକଙ୍କ ଚିନ୍ତାର କାରଣ ହୋଇଛି। ରାଜ୍ୟ ସରକାର ତୁରନ୍ତ ଅନଲାଇନ୍ ଆବେଦନର ଅବଧି ବୃଦ୍ଧି କରିବା ସହିତ ୱେବ୍ସାଇଟ୍ରେ ଉପୁଜୁଥିବା ସମସ୍ୟାର ତୁରନ୍ତ ସମାଧାନ କରିବା ପାଇଁ ଆସନ୍ତା ୨.୯.୨୦୨୦ରିଖ ବୁଧବାର ଦିନ ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ବିଭାଗ ମନ୍ତ୍ରୀଙ୍କୁ ଏ.ଆଇ.ଏସ୍.ଏଫ୍. ପକ୍ଷରୁ ଦାବିପତ୍ର ପ୍ରଦାନ କରାଯିବ ବୋଲି ଛାତ୍ରସଂଘର ସଭାନେତ୍ରୀ ସଂଘମିତ୍ରା ଜେନା ଜଣାଇଛନ୍ତି।
