ବାଲେଶ୍ୱର: ଖରା ଛୁଟି ପରେ ଆଜିଠୁ ରାଜ୍ୟରେ ଖୋଲୁଛି ସ୍କୁଲ। ପୂର୍ବ ନିର୍ଦ୍ଧାରିତ ସମୟ ଅନୁସାରେ ଆଜିଠୁ ସ୍କୁଲ ଖୋଲିବାକୁ ସ୍ଥିର କରାଯାଇଥିଲା। ହେଲେ ରାଜ୍ୟରେ ପ୍ରବଳ ଗ୍ରୀଷ୍ମପ୍ରବାହ ଜାରି ରହିଥିବାରୁ ସ୍କୁଲ ଖୋଲିବ କି ନାହିଁ ତାକୁ ନେଇ ଆଶଙ୍କା ଲାଗି ରହିଥିଲା। ରାଜ୍ୟ ସରକାରଙ୍କ ପକ୍ଷରୁ ସ୍କୁଲ ଖୋଲିବା ନେଇ ନିର୍ଦ୍ଦେଶାନାମା ଜାରି ପରେ ଆଜିଠୁ ସ୍କୁଲ ଖୋଲୁଛି। ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ସ୍କୁଲ ଛୁଟି ନିଷ୍ପତି ଜିଲ୍ଲାପାଳଙ୍କ ଉପରେ ଛାଡିଛନ୍ତି ରାଜ୍ୟ ସରକାର। ଅନୁକୂଳ ପାଗ ଥିବା ଜିଲା ଗୁଡିକରେ ସକାଳ ସାଢେ ୬ଟାରୁ ସାଢେ ୧୦ଟା ପର୍ଯ୍ୟନ୍ତ ସ୍କୁଲରେ ପାଠପଢା ହେବ। ସେପଟେ ୧୦ ଜିଲାରେ ସ୍କୁଲ ଛୁଟି କରିବାକୁ ଜିଲ୍ଲାପାଳମାନେ ନିଷ୍ପତି ନେଇଛନ୍ତି। ବଲାଙ୍ଗୀର, ସମ୍ବଲପୁର, ବରଗଡ, ସୁନ୍ଦରଗଡ, ଭଦ୍ରକ, ସୋନପୁର, ବାଲେଶ୍ୱର, ଗଞ୍ଜାମ, ମୟୂରଭଞ୍ଜ, ଗଜପତି ଜିଲାରେ ସ୍କୁଲ ଛୁଟି ରହିବ ବୋଲି ସୂଚନା ମିଳିଛି।
Popular Categories
Previous article
Next article