ନୂଆଦିଲ୍ଲୀ : ରିଜର୍ଭ ବ୍ୟାଙ୍କ ପେଟିଏମ୍ ପେମେଣ୍ଟ୍ସ ବ୍ୟାଙ୍କ ଉପରେ ରୋକ ଲଗାଇବା ପରଠୁ ଏହାର ମୂଳ କମ୍ପାନୀ ଓ୍ବନ ୯୭ କମ୍ୟୁନିକେସନ ଆର୍ଥିକ ସମସ୍ୟା ଦେଇ ଗତି କରୁଛି । ଏବେ ଖବର ଆସୁଛି କି ଓ୍ବନ ୯୭ କମ୍ୟୁନିକେସନରେ ଅଂଶଧନ କିଣିବା ପାଇଁ ଆଦାନୀ ଗ୍ରୁପର ଅଧ୍ୟକ୍ଷ ଗୌତମ ଆଦାନୀ ଚେଷ୍ଟା କରୁଛନ୍ତି ।
ପେଟିଏମର ପ୍ରତିଷ୍ଠାତା ତଥା ସିଇଓ ବିଜୟ ଶେଖର ଶର୍ମା ମଙ୍ଗଳବାର ଅହମଦାବାଦରେ ଗୌତମ ଆଦାନୀଙ୍କ ଅଫିସରେ ଚୁକ୍ତିକୁ ଅନ୍ତିମ ରୂପ ଦେବା ପାଇଁ ସାକ୍ଷାତ କରିଥିଲେ । ଯଦି ଏହି ଡିଲ୍ ଫାଇନାଲ ହୋଇଯାଏ ତେବେ ଆଦାନୀ ଗ୍ରୁପ୍ ଫିନଟେକ୍ କ୍ଷେତ୍ରରେ ପାଦ ଥାପିବ । ଏହି କ୍ଷେତ୍ରରେ ଗୁଗଲ ପେ, ଫୋନପେ ଏବଂ ମୁକେଶ ଅମ୍ବାନୀଙ୍କ ଜିଓ ଫାଇନାନ୍ସିଆଲ ଭଳି କମ୍ପାନୀ ପୂର୍ବରୁ ମୁକାବିଲା କରୁଛନ୍ତି । ତେବେ ଅନ୍ୟପଟେ ଆଦାନୀ ଗ୍ରୁପର ମୁଖପାତ୍ର ଏହି ଡିଲ୍ ନେଇ ଖବରକୁ ଖାରଜ କରିଦେଇଛନ୍ତି ।
ସୂଚନା ଅନୁସାରେ ଗୌତମ ଆଦାନୀ ଓ ବିଜୟ ଶେଖର ଶର୍ମାଙ୍କ ମଧ୍ୟରେ କିଛି ସମୟ ଆଲୋଚନା ଚାଲିଥିଲା । ମଙ୍ଗଳବାର ଅହମଦାବାଦରେ ଆଦାନୀ କର୍ପୋରେଟ୍ ହାଉସରେ ଉଭୟଙ୍କ ମଧ୍ୟରେ ଚୁକ୍ତି ଶେଷ କରିବା ପାଇଁ ଏହି ସାକ୍ଷାତ ହୋଇଥିବା ଶୁଣିବାକୁ ମିଳୁଛି ।
Comments are closed.