ହରଭଙ୍ଗା : ବୌଦ୍ଧ ଜିଲ୍ଲା ହରଭଙ୍ଗା ଥାନା କୁଟିଝାର ଛକ ନିକଟରେ ଭାରସାମ୍ୟ ହରାଇ ଏକ ବାଇକ ଗଛରେ ବାଡେଇ ହୋଇଥିଲା । ଏଥିରେ ଚାଳକଙ୍କ ମୃତ୍ୟୁ ହୋଇଥିବା ଜଣାପଡିଛି । ବୌଦ୍ଧ ଥାନା ହାଟଗାଁ ଅଂଚଳର ରାଜୁ ଦନାୟକ(୨୫) ନିଜ ବାଇକ ଯୋଗେ ଅତଲସରା ଗ୍ରାମରୁ ଏକ ବିବାହ ଭୋଜି ଖାଇ ନିଜ ଗ୍ରାମକୁ ଫେରୁଥିବା ସମୟରେ କୁଟିଝାର ଛକ ନିକଟରେ ଭାରସାମ୍ୟ ହରାଇ ଗଛରେ ବାଡେଇ ହୋଇଥିଲେ । ଏହି ସମୟରେ ଅତଲସରାରୁ ଅଟୋରେ ଫେରୁଥିବା ରାଜୁଙ୍କ ବାପା ଓ ମାଆ ରାଜୁଙ୍କ ଦୁର୍ଘଟଣା ଦେଖି ସଙ୍ଗେ ସଙ୍ଗେ ଅଟୋରେ ପ୍ରଥମେ ହରଭଙ୍ଗା ସ୍ୱାସ୍ଥ୍ୟକେନ୍ଦ୍ର ପରେ ପୁରୁଣାକଟକ ଏବଂ ବୌଦ୍ଧ ମେଡିକାଲରେ ଭର୍ତ୍ତି କରିଥିଲେ । ସେ ଗୁରୁତର ଥିବାରୁ ଡାକ୍ତର ବୌଦ୍ଧରୁ ବୁର୍ଲା ରେଫର କରିଥିଲେ । ବୁର୍ଲ୍ଲା ନେବା ବାଟରେ ରାଜୁଙ୍କ ମୃତ୍ୟୁ ହୋଇଥିଲା । ପୁଲିସ ଘଟଣାସ୍ଥଳରେ ପହଂଚି ଛାନଭିନ ଆରମ୍ଭ କରିଥିବା ଥାନା ଅଧିକାରୀ ପୁଷ୍ପଲତା ରାଉତରାୟ ସୂଚନା ଦେଇଛନ୍ତି । ରାଜୁ ପୁରୁଣାକଟକ ସ୍ଥିତ ଏକ ଢାବାରେ କାମ କରୁଥିଲେ ।
Comments are closed.