ଚୌଦ୍ୱାର : ୫୫ନମ୍ବର ଜାତୀୟ ରାଜପଥର ଚୌଦ୍ୱାର ନିକଟ ଧୂମାବତୀ ଛକସ୍ଥିତ ଭାରତ ପେଟ୍ରୋଲ ପମ୍ପ ସମ୍ମୁଖରେ ଶୁକ୍ରବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି ଜଣେ ଯୁବକର ଶୋଚନୀୟ ମୃତ୍ୟୁ ଘଟିଛି । ମୃତକ ଜଣକ ହେଲେ ଟାଙ୍ଗୀ ଥାନା ଅନ୍ତର୍ଗତ ନାରପଡ଼ା ଗ୍ରାମର ପ୍ରସନ୍ନ ବିଶ୍ୱାଳ(୪୨) । ଗୋପାଳପୁର ଶିଳ୍ପାଞ୍ଚଳରେ ଥିବା ଏକ କରତ କଳରେ ସୁପରଭାଇଜର ଭାବେ କାର୍ଯ୍ୟକରୁଥିବା ପ୍ରସନ୍ନ ଶୁକ୍ରବାର ସକାଳେ ପେଟ୍ରୋଲ ପମ୍ପରେ ତାଙ୍କ ବାଇରେ ପେଟ୍ରୋଲ ପକାଇ ରାଜରାସ୍ତା ଉପରକୁ ଉଠୁଥିବାବେଳେ ଅନୁଗୋଳ ଆଡ଼ୁ ଆସୁଥିବା ଏକ ଟ୍ରକ୍ ତାଙ୍କୁ ସମ୍ମୁଖରୁ ଧକ୍କା ଦେଇଥିଲା । ବାଇକରୁ ଖସିପଡ଼ି ପ୍ରସନ୍ନ ଗୁରୁତର ଆହତ ହୋଇଥିଲେ । ଆମ୍ବୁଲାନ୍ସ ଯେଗେ ତାଙ୍କୁ ଚିକିତ୍ସା ପାଇଁ କଟକ ବଡ଼ ଡାକ୍ତରଖାନାକୁ ନିଆଯାଇଥିଲେ ହେଁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।ଖବରପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରକ୍ ଓ ଦୁର୍ଘଟଣାଗ୍ରସ୍ତ ବାଇକକୁ ଜବତ କରି ଥାନାକୁ ଆଣିବା ସହିତ ଘଟଣାର ଅଧିକ ତଦନ୍ତ ଜାରି ରଖିଛନ୍ତି ।
Comments are closed.