ଯୁବକଙ୍କ ଉପରେ ଚଢ଼ିଗଲା ଟାଟା ଏସି; ଉତ୍ତ୍ୟକ୍ତଲୋକେ ଜାଳିଲେ ଗାଡି

ନୀଳଗିରି: ରାସ୍ତା କଡରେ ଛିଡା ହୋଇଥିବା ଦୁଇ ଜଣ ଯୁବକଙ୍କ ଉପରେ ଏକ ଟାଟା ଏସି ଗାଡି ଚଢି ଯାଇଛି । ଫଳରେ ଜଣେ ଯୁବକଙ୍କ ପ୍ରାଣ ହାନି ଘଟିଥିବା ​‌ବେଳେ ଅନ୍ୟ ଜଣଙ୍କ ଅବସ୍ଥା ଗୁରୁତର ରହିଛି । ଏଭଳି ଏକ ଅଭାବନୀୟ ଘଟଣା ବାଲେଶ୍ଵର ଜିଲ୍ଲା ନୀଳଗିରି ଥାନା ଅଧିନ ବେଗୁନିଆ ପଞ୍ଚାୟତ କୁସନପୁର ଅଂଚଳରେ ଘଟିଛି ।

ସୂଚନାଯୋଗ୍ୟ, ଶନିବାର ରାତିରେ ଦୁଇଜଣ ଯୁବକ ରାସ୍ତା କଡରେ ଛିଡ଼ା ହୋଇଥିବା ବେଳେ ଏକ ଟାଟା ଏସି ଗାଡି ଦ୍ରୁତ ଗତିରେ ଆସି ସେମାନଙ୍କ ଉପରେ ଚଢିଯାଇଥିଲା। ଉଭୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ବାଲେଶ୍ଵର ଜିଲା ମୁଖ୍ୟ ଡାକ୍ତରଖାନାକୁ ନିଆଯାଇଥିଲା । ହେଲେ ସେଠାରେ ଡାକ୍ତର ଜଣଙ୍କୁ ମୃତ ଘୋଷଣା କରିଥିଲେ । ମୃତକ ହେଲେ କୁସୁନପୁର ଗ୍ରାମର ହରିମୋହନ ସିଂ ଏବଂ ଗୁରୁତର ହେଲେ ହରିଆ ସିଂ। ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା। ଉତ୍ତେକ୍ତଲୋକେ ଦୁର୍ଘଟଣା ଘଟାଇ ଥିବା ଗାଡିଟିକୁ ଜାଳି ଦେଇଛନ୍ତି। ଘଟଣାସ୍ଥଳରୁ ଗାଡି ଚାଳକ ଫେରାର ହୋଇ ଯାଇଥିବା ଜଣାପଡିଛି । ନୀଳଗିରି ପୁଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।