ତେଲକୋଇ: ତେଲକୋଇ ଥାନା ଅନ୍ତର୍ଗତ ଛାମୁଣ୍ଡା ପଞ୍ଚାୟତ ଗୋଳାବନ୍ଧ ଛକ ନିକଟରେ ବୁଧବାର ଅପରାହ୍ନରେ ସଡକ ଦୁର୍ଘଟଣାରେ ଦୁଇ ଜଣ ଯୁକ୍ତ ଦୁଇ ଛାତ୍ର ଗୁରୁତର ହୋଇଛନ୍ତି। ଗୁରୁତର ଦୁଇ ଜଣ ହେଲେ ପଡାଙ୍ଗ ପଞ୍ଚାୟତ ନିପିଣ୍ଡା ଗ୍ରାମର ଝସକେତନ ନାୟକ (୧୬) ଏବଂ ଓରିଆ ବିରିଡା ପଞ୍ଚାୟତ ଜଟ ଗ୍ରାମର କର୍ଣ୍ଣ କୁମାର ସାହୁ (୧୬)। ଦୁଇ ସାଙ୍ଗ ମିଶି ଜଗମୋହନପୁର ଠାରେ ନିର୍ମାଣାଧୀନ ଅବସ୍ଥାରେ ରହିଥିବା ଝସକେତନଙ୍କ ଘରକୁ ଯାଇ ଫେରୁଥିବା ସମୟରେ ଏହି ଦୁର୍ଘଟଣା ଘଟିଛି।
ଘଟଣା ଅନୁଯାୟୀ ଦୁଇ ସାଙ୍ଗ ଏକ ବାଇକରେ ଜଗମୋହନପୁରରୁ ତେଲକୋଇ ଅଭିମୁଖେ ଯାଉଥିବା ବେଳେ ବିପରୀତ ଦିଗରୁ ଆସୁଥିବା ଏକ ପିକ୍ଅପ ରାସ୍ତା ନଛାଡିବାରୁ ଭାରସାମ୍ୟ ହରାଇ ମୋଟରସାଇକେଲଟି ଏକ ଗଛରେ ଧକ୍କା ହୋଇଥିଲା। ଉଭୟଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ତେଲକୋଇ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ହେଁ ଅବସ୍ଥା ଗୁରୁତର ଥିବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି।
Comments are closed.