ନୀଳଗିରି: ସ୍ୱର୍ଣ୍ଣଚୂଡ଼ ପାହାଡ଼ର ପାଦଦେଶ ତଥା ବାଲେଶ୍ୱର ଜିଲା ନୀଳଗିରି ଏନ୍ଏସି ଘାଟଘରସାହିସ୍ଥିତ ଅଳେଇଚଣ୍ଡୀ ମନ୍ଦିର ନିକଟରେ ଥିବା ବନ୍ଧ ଉପରେ ଗୋଟିଏ ୧୨ଫୁଟିଆ ଅଜଗର ସାପକୁ ସ୍ଥାନୀୟଲୋକେ ଧରିଥିବା ଜଣାପଡ଼ିଛି। ଏହି ସାପଟି ଖାଦ୍ୟ ଅନ୍ୱେଷଣରେ ପାହାଡ଼ରୁ ବସ୍ତି ଅଞ୍ଚଳକୁ ଯାଉଥିଲା । ସେଠାରେ ଚରୁଥିବା ଗୋଟିଏ ଛେଳିକୁ ଏହି ସାପଟି ଗିଳି ଦେଇଥିଲା । ସ୍ଥାନୀୟଲୋକେ ଏହା ଜାଣିବା ପରେ ସାପଟିକୁ ଧରିଥିଲେ । ଖବରପାଇ ସାପଧରାଳି ବିରଜା ଶଙ୍କର ବେହେରା, ଦିଲୀପ ପାତ୍ର ପ୍ରମୁଖ ସେଠାରେ ପହଞ୍ଚି କୌଶଳକ୍ରମେ ଉକ୍ତ ବିରାଟକାୟ ସାପକୁ ଉଦ୍ଧାର କରି କୁଲଡିହା ଜଙ୍ଗଲରେ ଛାଡ଼ି ଦେଇଛନ୍ତି । ସୂଚନା ଯେ, ବର୍ଷା ଋତୁରେ ସ୍ୱର୍ଣ୍ଣଚୂଡ଼ ପାହାଡ଼ରୁ ବହୁ ବିଷଧର ସାପ ଜନବସତି ମୁହାଁ ହୋଇଥାନ୍ତି ।
Comments are closed.