୨୦ ଟନ ଗୋମାଂସ ବୋଝେଇ ଟ୍ରକ ଜବତ, ୨ ଗିରଫ
![](https://samajalive.in/wp-content/uploads/2024/07/Untitled-design.png)
ଗୁରୁଡିଝାଟିଆ: ବେଧଡକ ଭାବରେ ଗୋ’ମାତାଙ୍କୁ କଟାଯାଉଛି । ମାଂସକୁ ଚାଲାଣ କରାଯାଉଛି ବିଭିନ୍ନ ରାଜ୍ୟକୁ । ଫଳରେ ଗୋ ସମ୍ପଦ ଏବେ ସଂକଟରେ । ସୁଚିନ୍ତିତ ଯୋଜନା ମୁତାବକ ସଂଘଠିତ ଦଳ ଏଭଳି କାର୍ଯ୍ୟ କରୁଥିବା ଖୁଣ୍ଟୁଣୀ ପୁଲିସ ହାତରେ ଲାଗିଛି ତଥ୍ୟ । ଶୁକ୍ରବାର ଖୁଣ୍ଟୁଣୀ ପୁଲିସ ଏକ ଗୋମାଂସ ବୋଝେଇ ଟ୍ରକ ଜବତ କରିବା ସହିତ ୨ ଅଭିଯୁକ୍ତଙ୍କୁ ଗିରଫ କରିଛି। ବୋଝେଇ ମାଂସ ତିଗିରିଆର କରଡାପଲ୍ଲୀରୁ ମହାରାଷ୍ଟ୍ର ଯାଉଥିବା ଜଣାପଡ଼ିଛି । ଅଭିଯୁକ୍ତଦ୍ୱୟ ହେଲେ ଟ୍ରକ ଚାଳକ ବଳରାମ କଦମ(୩୬) ଓ ହେଲପର କୁନାଲ ନରୱାଡେ (୨୪)। ସେମାନଙ୍କ ଘର ମହାରାଷ୍ଟ୍ରର ନଣ୍ଡେହା ଜିଲ୍ଲାରେ।
ଖୁଣ୍ଟୁଣୀ ପୁଲିସ ରାତ୍ରକାଳୀନ ପାଟ୍ରୋଲିଂ କରୁଥିବା ବେଳେ ସ୍ଥାନୀୟ କିଛି ଯୁବକ ଏକ ଗୋମାଂସ ବୋଝେଇ ଟ୍ରକକୁ ଅଟକ ରଖିଥିବା ଦେଖିଥିଲେ । ଅନୁଧ୍ୟାନ କରିବା ବେଳେ ଦେଖିବାକୁ ମିଳିଥିଲା ଟ୍ରକରେ ପ୍ରାୟ ୨୦ଟନ ଗୋମାଂସ ବୋଝେଇ ହୋଇ ରହିଛି । ତୁରନ୍ତ ଟ୍ରକଟିକୁ ଜବତ କରିବା ସହ ଚାଳକ ଓ ହେଲପରକୁ ପୁଲିସ ଗିରଫ କରିଥିଲା। ଜବତ ମାଂସକୁ ଏକ ପରିତ୍ୟକ୍ତ ସ୍ଥାନରେ ଗାତ ଖୋଳି ପୋତିଦିଆଯାଇଛି । ଏହି ଗୋମାଂସ ଚାଲାଣ ରାକେଟରେ ତିଗିରିଆ ଥାନା କରଡାପଲ୍ଲୀ ଓ ଖୁଣ୍ଟୁଣୀ ଥାନା ଅଞ୍ଚଳର ବହୁ ଯୁବକ ସଂଶ୍ଲିଷ୍ଟ ଥିବା ପୋଲିସ ହାତରେ ତଥ୍ୟ ଲାଗିଛି । ସେମାନଙ୍କୁ ଖୁବ ଶୀଘ୍ର ଗିରଫ କରାଯିବ ବୋଲି ଥାନା ଅଧିକାରୀ ଭବାନୀ ଶଙ୍କର ଖୁଣ୍ଟିଆ ପ୍ରକାଶ କରିଛନ୍ତି ।
Comments are closed.