ଧାମରା : ଭଦ୍ରକ ଜିଲା ବାଂଶଡା ଥାନା ଅଧିନସ୍ଥ କରଞ୍ଜମାଳ ଗ୍ରାମରେ ଗୁରୁବାର ପୋଖରୀରେ ବୁଡ଼ି ଜଣେ ଯୁବକଙ୍କ ମୃତ୍ୟୁ ଘଟିଥିବା ଜଣାଯାଇଛି। ସୂଚନା ମୁତାବକ, ଗତକାଲି ସନ୍ଧ୍ୟାରେ କରଞ୍ଜମାଳ ଗ୍ରାମର ରାମଚନ୍ଦ୍ର ବେଜଙ୍କ ପୁଅ ଜଗନ୍ନାଥ ବେଜ(୨୬) ଶୌଚ ପାଇଁ ନିକଟସ୍ଥ ପୋଖରୀକୁ ଯାଇଥିଲା। ସେଠାରେ ତାଙ୍କର ଗୋଡ ଖସି ଯିବାରୁ ସେ ବୁଡ଼ିଯାଇଥିବା ଅନୁମାନ କରାଯାଉଛି। ଗତକାଲି ଠାରୁ ତାଙ୍କର ଖୋଜଖବର ମିଳୁନଥିଲାବବେଳେ ଶୁକ୍ରବାର ସେ ନିରୁଦ୍ଧିଷ୍ଟ ଥିବା କଥା କରଞ୍ଜମାଳ ଫାଣ୍ଡିରେ ଏତଲା ଦିଆଯାଇଥିଲା। ଏତଲା ଦେବା ପରେ ଶୁୁକ୍ରବାର ଅପରାହ୍ଣ ୧୨ଟା ସମୟରେ ଜଗନ୍ନାଥଙ୍କ ମୃତଦେହ ଗ୍ରାମ ପୋଖରୀରେ ଭାସୁଥିବା ଗ୍ରାମଲୋକ ଦେଖିବାକୁ ପାଇଥିଲେ। ପରେ କରଞ୍ଜମାଳ ଫାଣ୍ଡି ପୁଲିସ ଆସି ଜଗନ୍ନାଥଙ୍କ ମୃତଦେହକୁ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଇଥିବା ବେଳେ ଏକ ଅପମୃତ୍ୟୁ ମାମଲା ରୁଜୁ କରିଛି।
Comments are closed.