ପୁଏର୍ଟୋ ରିକୋ : ଜାହାଜର ଏଗାର ମହଲା ଝରକା ବାଟେ ଅଜାଙ୍କ ହାତରୁ ଖସିପଡ଼ି ଏକ ଶିଶୁ କନ୍ୟାର ମୃତ୍ୟୁ ଘଟିଛି। ବର୍ଷକର ଶିଶୁଟି ଅଜାଙ୍କ କୋଳରେ ଶୋଇଥିଲାବେଳେ ହଠାତ୍ ଝରକା ବାଟେ ତଳକୁ ଖସି ପଡ଼ିଥିଲା ଓ ସିଧା ଯାଇ ସମୁଦ୍ର ଜଳରେ ପଡ଼ିଥିଲା। ଶିଶୁଟି ନିଜର ବାପା-ମାଆ, ଦୁଇ ଭାଇ-ଭଉଣୀ, ଅଜା-ଆଈ ଓ ଜେଜେବାପା-ଜେଜେମାଆଙ୍କ ସହିତ ଜାହାଜ ଯାତ୍ରା କରୁଥିଲା। କାରବିଆନ୍ ସମୁଦ୍ରରେ ସପ୍ତାହ ବ୍ୟାପୀ ଯାତ୍ରା ସମୟରେ ଜାହାଜ ସାନ୍ ଜୁଆନ୍ ରାଜଧାନୀ ପୁଏର୍ଟୋ ରିକୋଠାରେ ଲଙ୍ଗର ପକାଇଥିଲା। ଶିଶୁର ଅଜା ନାମସାଲଭାଟର ଆନେଲୋଙ୍କୁ ପୁଲିସ ଅଟକ ରଖିଛି। ଏହା ଦୁର୍ଘଟଣା କିମ୍ବା ଯୋଜନାବଦ୍ଧ ହତ୍ୟା ସେ ସମ୍ପର୍କରେ ତଦନ୍ତ କରୁଛି। ଶିଶୁର ଅଜା ଓ ଜେଜେବାପାଙ୍କ ଘର ଆମେରିକାର ଇଣ୍ଡିଆନାରେ ବୋଲି ପୁଲିସ କହିଛି।
Comments are closed.