ଜଗତସିଂହପୁର : ଜଗତସିଂହପୁର ଜିଲା ଏରସମା ବ୍ଲକ ଅନ୍ତର୍ଗତ ପଏଦା ପଞ୍ଚାୟତର ଆଞ୍ଚଳିକ ବରିଷ୍ଠ ନାଗରିକ ମଞ୍ଚ ତରଫରୁ ଗ୍ରାମ ପଞ୍ଚାୟତ ପରିସରରେ ସୋମବାର ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଶିକ୍ଷାବିତ୍ ରବି ନାରାୟଣ ମୁଦୁଲିଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ମୁଖ୍ୟ ଅତିଥି ଭାବେ ଶିକ୍ଷାବିତ୍ ହର ପ୍ରସାଦ ମିଶ୍ର, ସମ୍ମାନୀତ ଅତିଥି ଭାବେ ସରପଞ୍ଚ ପ୍ରଦିପ୍ତ କିଶୋର ପରିଡା, ପୂର୍ବତନ ବ୍ଲକ ଅଧ୍ୟକ୍ଷ ମାନସ ରଞ୍ଜନ ସେଠୀ, ଜିଲ୍ଲା ପରିଷଦ ସଭ୍ୟା ସ୍ୱର୍ଣ୍ଣଲତା ସେନାପତି ପ୍ରମୁଖ ଯୋଗଦେଇ ଚଳିତ ବର୍ଷ ମାଧ୍ୟମିକ ପରୀକ୍ଷାରେ ଏହି ଅଞ୍ଚଳର ବିଦ୍ୟାଳୟମାନଙ୍କରେ ସର୍ବୋଚ୍ଚ ନମ୍ବର ରଖିଥିବା ଛାତ୍ରଛାତ୍ରୀମାନଙ୍କୁ ସମ୍ବର୍ଦ୍ଧିତ କରାଯିବା ସହିତ ପଏଦା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରତି ଶ୍ରେଣୀରେ ପ୍ରଥମ ସ୍ଥାନ ଅଧିକାର କରିଥିବା କୃତି ଛାତ୍ରଛାତ୍ରୀମାନଙ୍କୁ ଅତିଥିମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା । ସିଆରକେ ହାଇସ୍କୁଲ ଡିହସାହିର ଛାତ୍ର ବରଦା ପ୍ରସନ୍ନ ରାଉତ, ଭିରଙ୍ଗ ହାଇସ୍କୁଲ ସିଦ୍ଧାର୍ଥ ଦାସ, ପୋଖରିଆପଡା ପଂଚାୟତ ହାଇସ୍କୁଲର ନିଳାଦ୍ରୀ ତନୟା ମହାରଣା, ଗାଦିବ୍ରହ୍ମ ହାଇସ୍କୁଲ ଅସରଣା ମୋନାଲିସା ସାହୁ, ଗ୍ରାମେଶ୍ୱର ହାଇସ୍କୁଲ ପଂଚପଲ୍ଲୀର ପ୍ରଜ୍ଞା ପରମିତା ଜେନା, ହାଜିପୁର ନୋଡାଲ ହାଇସ୍କୁଲର ମାନସୀ ରାଣୀ ଖଣ୍ଡୁଆଳ ପ୍ରମୁଖଙ୍କୁ ମାଧ୍ୟମିକ ପରୀକ୍ଷାରେ ସର୍ବୋଚ୍ଚ ନମ୍ବର ରଖିଥିବାରୁ ମାନପତ୍ର, ପୁଷ୍ପଗୁଚ୍ଛ ଓ ପୁରସ୍କାର ଦିଆଯାଇ ନାଗରିକ ମଞ୍ଚ ତରଫରୁ ସମ୍ବର୍ଦ୍ଧିତ କରାଯାଇଥିଲା । ଏହି କାର୍ୟ୍ୟକ୍ରମରେ କୈଳାସ ଚନ୍ଦ୍ର ପ୍ରଧାନ ଅତିଥି ପରିଚୟ ଓ ସ୍ୱାଗତ ଭାଷଣ ଦେଇଥିଲା ବେଳେ ଗୌରାଙ୍ଗ ଚରଣ ପରିଡା ଧନ୍ୟବାଦ ଦେଇଥିଲେ ।
Comments are closed.