ତୁମୁଡିବନ୍ଧ : କନ୍ଧମାଳ ଜିଲା ତୁମୁଡିବନ୍ଧ ଠାରେ ରଥଯାତ୍ରା ପର୍ବ ବେଶ ଜାକଜମକରେ ଅନୁଷ୍ଠିତ ହୋଇଯାଇଛି। ଜଗନ୍ନାଥ ମନ୍ଦିର କମିଟି ସଭାପତି ରାମକୃଷ୍ଣ ପାଢ଼ୀ, ସୀମାଞ୍ଚଳ ଦାସ, ପୂର୍ଣ୍ଣଚନ୍ଦ୍ର ପାଢ଼ୀ, ବୃନ୍ଦାବନ ମିଶ୍ର, ନିଳାଞ୍ଚଳ ପାଢ଼ୀ, ସୀମାଞ୍ଚଳ ପାଣିଗ୍ରାହୀ, ନିଳାଞ୍ଚଳ ପାଣିଗ୍ରାହୀ, ରବି ଚନ୍ଦ୍ର ପାଢ଼ୀ, ଉପେନ୍ଦ୍ର ମହାପାତ୍ର ପ୍ରମୁଖ ଏହି ଯାତ୍ରାକୁ ପରିଚାଳନା କରିଥିଲେ। ତୁମୁଡିବନ୍ଧ ମୁଖ୍ୟ ବଜାର ରୁ ଆଧ୍ୟାତ୍ମିକ ପରିବେଶରେ ବାଦ୍ୟ ବାଜଣାରେ ରଥଯାତ୍ରା କାର୍ୟ୍ୟକ୍ରମ ଆରମ୍ଭ ହୋଇଥିଲା। ପିଡବ୍ଲୁଡ଼ି ବଙ୍ଗଳା, ତହସିଲ କାର୍ୟ୍ୟାଳୟ ଦେଇ ରାମପୁର ଛକ ଠାରେ ଥିବା ମାଉସୀ ମାଆଙ୍କ ଘରେ ମହାପ୍ରଭୁଙ୍କ ରଥ ପହଞ୍ଚି ଥିଲା । ଶିକ୍ଷକ ସୁରେନ୍ଦ୍ର ପାତ୍ର ରଥଯାତ୍ରାରେ ଛେରା ପହଁରା ନୀତି ସମ୍ପାଦନା କରିଥିଲେ। ଅଞ୍ଚଳର ଶତାଧିକ ଭକ୍ତଙ୍କ ସମାବେଶରେ ରଥଯାତ୍ରା ଅନୁଷ୍ଠିତ ହୋଇଥିଲା। ରଥଯାତ୍ରାକୁ ଶାନ୍ତି ଶୃଙ୍ଖଳାରେ ସମାପ୍ତ କରିବା ପାଇଁ ତୁମୁଡିବନ୍ଧ ଥାନା ପକ୍ଷରୁ ସମସ୍ତ ପ୍ରକାର ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା।
Comments are closed.