ଟିଟିଲାଗଡ : ବଲାଙ୍ଗୀର ଜିଲା ଟିଟିଲାଗଡ ଉପଖଣ୍ଡ ଅନ୍ତର୍ଗତ ସଇଁନ୍ତଲା ଥାନା ଝରବାହାଲି ଗ୍ରାମରେ ଗତ ୨୩ତାରିଖ ରାତ୍ରିରେ ହୋଇଥିବା ହତ୍ୟା କାଣ୍ଡରେ ଗୁରୁବାର ପୁଲିସ ମୁଖ୍ୟ ଅଭିଯୁକ୍ତକୁ ଗିରଫ କରିଛି। ଏନେଇ ଟିଟିଲାଗଡ ଏସଡିପିଓ ସୁରେନ୍ଦ୍ର ନାରାୟଣ ଶତପଥି ବିସ୍ତୃତ ସୂଚନା ଦେଇଛନ୍ତି।
ସୂଚନା ଅନୁସାରେ, ଝରବାହାଲି ଗ୍ରାମର ଜଗଦୀଶ ମନହିରା(୪୫) ଗତ ୨୩ତାରିଖ ରାତ୍ରିରେ ତାଙ୍କ କୁକୁଡା ଫାର୍ମରେ ଶୋଇଥିବା ବେଳେ କେହି ଦୁର୍ବୃତ୍ତ ତାଙ୍କୁ ପିଟିପିଟି ହତ୍ୟା କରିଥିବା ଅଭିଯୋଗ ହୋଇଥିଲା। ହତ୍ୟାକାଣ୍ଡରେ ଝରବାହାଲି ଗ୍ରାମର ଗଣେଶ ବଗର୍ତିଙ୍କୁ ହତ୍ୟାରେ ସମ୍ପୃକ୍ତ ଥିବା ସନ୍ଦେହରେ ଗତକାଲି ପୁଲିସ ଅଟକ ରଖିଥିଲା। ଗୁରୁବାର ପୁଲିସ ଅଭିଯୁକ୍ତକୁ ଟିଟିଲାଗଡ କୋର୍ଟ ଚାଲାଣ କରିଛି। ଏନେଇ ଏସଡିପିଓଙ୍କ ସୂଚନା ମୁତାବକ ଅଭିଯୁକ୍ତ ଗଣେଶର ମୃତ ଜଗଦିଶଙ୍କ କୌଣସି ବିଷୟ ନେଇ ପୂର୍ବ ଶତୃତା ରହିଥିଲା।। ଏହାକୁ ଗଣେଶ ବହୁ ଦିନରୁ ମାନସିକ ସ୍ତରରେ ଜଗଦୀଶକୁ ରାସ୍ତାରୁ ହଟାଇବାକୁ ଯୋଜନା ପ୍ରସ୍ତୁତ କରିଥିଲା। ଘଟଣା ଦିନ ରାତ୍ରିରେ ଜଗଦିଶ ତାଙ୍କ କୁକୁଡା ଫାର୍ମରେ ଏକୁଟିଆ ଶୋଇଥିବା ବେଳେ ଏକ କାଠ ଫାଳିଆରେ ଗଣେଶ ଜଗଦୀଶଙ୍କ ମୁଣ୍ଡକୁ ଆକ୍ରମଣ କରିଥିଲା। ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ରକ୍ତ ଲାଗିଥିବା କାଠ ଫାଳିଆ ପୁଲିସ ଜବତ କରିଥିବା ଜଣାପଡ଼ିଛି।
Comments are closed.