ନବୀନଙ୍କ ନାଁରେ କୋଇଲା ଖଣି ଆବଣ୍ଟନ ମାମଲା; ତୁରନ୍ତ ତଦନ୍ତ ସାରିବାକୁ ସୁପ୍ରିମକୋର୍ଟରେ ଆବେଦନ
ନୂଆଦିଲ୍ଲୀ: ଓଡ଼ିଶାର ମୁଖ୍ୟମନ୍ତ୍ରୀ ତଥା ପୂର୍ବତନ କେନ୍ଦ୍ରମନ୍ତ୍ରୀ ନବୀନ ପଟ୍ଟନାୟକଙ୍କ ନାଁରେ ରୁଜୁ ହୋଇଥିବା କୋଇଲା ଖଣି ଆବଣ୍ଟନ ମାମଲାର ତଦନ୍ତ ତୁରନ୍ତ ସାରିବାକୁ ସୁପ୍ରିମକୋର୍ଟରେ ଆବେଦନ କରାଯାଇଛି। ଯଥାଶୀଘ୍ର ମାମଲାର ତଦନ୍ତ ସାରିବା ଲାଗି କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ)କୁ ନିର୍ଦେଶ ଦେବା ଲାଗି ବୈଭବ ବର୍ମା ନାମକ ଆବେଦନକାରୀ ପିଟିସନ ଦାୟର କରିଛନ୍ତି। ନବୀନଙ୍କ ନାଁରେ ୨୦୧୪ ମାର୍ଚ୍ଚ ୨୬ରେ ମାମଲା ପଞ୍ଜୀକୃତ ହୋଇଥିଲା। ସେବେଠାରୁ ତାହା ତଦନ୍ତାଧୀନ ରହିଛି ବୋଲି ଜାତୀୟ ସ୍ତରର ଏକ ଖବର ସରବରାହ ସଂସ୍ଥା ରିପୋର୍ଟ ପ୍ରକାଶ କରିଛି। ରିପୋର୍ଟ ମୁତାବକ, ୧୯୯୮ ମସିହାରେ ଏମ/ଏସ ସେଣ୍ଟ୍ରାଲ କୋଲିଆରିଜ କୋ. ଲିମିଟେଡକୁ ତକ୍ଲି-ଜେନା-ବେଲୋରା କୋଲ୍ ଫିଲ୍ଡ ପ୍ରଦାନ କରାଯାଇଥିଲା। କିନ୍ତୁ କମ୍ପାନୀ ପଞ୍ଜୀକୃତ ହେବା ପୂର୍ବରୁ ଖଣି ଦିଆଯାଇଥିଲା। ସେତେବେଳେ ନବୀନ ପଟ୍ଟନାୟକ କେନ୍ଦ୍ର ଖଣିମନ୍ତ୍ରୀ ଥିଲେ। ଏହି କୋଲ ବ୍ଲକ ଆବଣ୍ଟନରେ ନବୀନଙ୍କ ଭୂମିକା ସନ୍ଦେହଜନକ ଥିବା ଆବେଦନକାରୀ ପିଟିସନରେ ଦର୍ଶାଇଛନ୍ତି।
