ଭୁବନେଶ୍ୱର: ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ (ଓୟୁଏଟି)ର କୁଳପତି ତଥା କୃଷି ପାଣିପାଗ ବିଶେଷଜ୍ଞ ପ୍ରଫେସର ସୁରେନ୍ଦ୍ରନାଥ ପଶୁପାଳକ ମଙ୍ଗଳବାର ଚାକିରୀରୁ ଇସ୍ତଫା ଦେଇଛନ୍ତି। ସେ କୁଳପତି ପଦ ଛାଡ଼ିବା ସହ ଚାକିରିରୁ ଇସ୍ତଫା ଦେଇଛନ୍ତି। ଚାକିରୀରୁ ଅବସର ନେବାକୁ ଆଉ ୧୨ ଦିନ ବାକି ଥିବା ବେଳେ ସେ ଏଭଳି ନିଷ୍ପତ୍ତି ନେଇଛନ୍ତି। ସେ ତାଙ୍କ ଇସ୍ତଫାପତ୍ର ଡାକ ଯୋଗେ ରାଜ୍ୟପାଳଙ୍କ ପାଖକୁ ପଠାଇଛନ୍ତି। ତାଙ୍କ ନାଁରେ ଓୟୁଏଟିରେ ନିଯୁକ୍ତି କ୍ଷେତ୍ରରେ ବ୍ୟାପକ ଜାଲିଆତି ହୋଇଥିବା ଅଭିଯୋଗ ଆସିବା ପରେ କୁଳାଧିପତି ପ୍ରଫେସର ଗଣେଶୀ ଲାଲ୍ ୨୦୧୮ ମସିହା ଡିସେମ୍ବର ୯ ତାରିଖରେ ତାଙ୍କୁ ଛୁଟିରେ ଯିବା ଲାଗି ନିର୍ଦ୍ଦେଶ ଦେବା ସହ ମୁଖ୍ୟ ଶାସନ ସଚିବଙ୍କୁ ଭିଜିଲାନ୍ସ ତଦନ୍ତ ନିର୍ଦ୍ଦେଶ ଦେଇଥିଲେ।
Popular Categories
Previous article
Next article