ମହାଶିବରାତ୍ରୀ ହେଉଛି ହିନ୍ଦୁ ଧର୍ମର ଏକ ବଡ ପର୍ବ। ଏହା ଫାଲଗୁନ ମାସ କୃଷ୍ଣ ପକ୍ଷର ଚତୁର୍ଦଶୀ ତିଥିରେ ପାଳନ କରାଯାଇଥାଏ। ଏହି ଦିନ ପ୍ରଭୁ ଶିବଙ୍କର ଉପାସନା କରିବା ଦ୍ବାରା ଆଶୀର୍ବାଦ ପ୍ରାପ୍ତି ହୋଇଥାଏ। ବ୍ୟକ୍ତିକୁ ଜୀବନରେ ସମସ୍ତ ସୁଖ ମିଳିଥାଏ। ଏହି ଦିନ ବ୍ରତ, ଉପବାସ, ମନ୍ତ୍ରଜପ କରିବା ଉଚିତ।
ଆଜିର ମହାଶିବରାତ୍ରୀ ସୋମବାର ଦିନ ପଡୁଛି। ଏହା ଏକ ବଡ ସଂଯୋଗ ଅଟେ। ଏହାସହ ଶ୍ରବଣ ନକ୍ଷତ୍ରରେ ମଧ୍ୟ ଏହି ପର୍ବ ପଡିଛି। ତେଣୁ ଏହା ଏକ ଶୁଭ ସଂଯୋଗ ବୋଲି କୁହାଯାଇଛି।
ମହାଶିବାରାତ୍ରୀରେ ଭଗବାନ ଶିବଙ୍କ ରୁଦ୍ରାଭିଷେକ କରାଇବା ଦ୍ବାରା ଅତ୍ୟନ୍ତ ଶୁଭ ଫଳ ପ୍ରାପ୍ତି ହୋଇଥାଏ।
ଗାଈ କ୍ଷୀରରେ ପ୍ରଭୁଙ୍କ ରୁଦ୍ରାଭିଷେକ କରାଇବା ଦ୍ବାରା ସମ୍ପନ୍ନତା ଆସିଥାଏ। ଏହାସହ ସମସ୍ତ ମନୋକାମନା ପୂର୍ଣ୍ଣ ହୋଇଥାଏ।
ଧନ ପ୍ରାପ୍ତି ପାଇଁ ପ୍ରଭୁଙ୍କୁ ଦେଶୀ ଘିଅରେ ରୁଦ୍ରାଭିଷେକ କରାନ୍ତୁ।
ଯେକୌଣି ବିଶେଷ ଉଦ୍ଦେଶ୍ୟ ପାଇଁ କୌଣସି ତୀର୍ଥ ସ୍ଥାନର ନଦୀର ଜଳ ଆଣି ପ୍ରଭୁଙ୍କୁ ଅଭିଷେକ କରାନ୍ତୁ।
ପ୍ରଭୁଙ୍କୁ ଆଖୁ ରସରେ ରୁଦ୍ରାଭିଷେକ କରାଇବା ଦ୍ବାରା କାର୍ଯ୍ୟକ୍ଷେତ୍ରରେ ସମସ୍ତ ବାଧାବିଘ୍ନ ଦୂର ହୋଇଥାଏ।
ମହୁରେ ପ୍ରଭୁଙ୍କ ରୁଦ୍ରାଭିଷେକ କରାଇବା ଦ୍ବାରା ଜୀବନରେ ଦୁଃଖ ଦୂର ହୋଇଥାଏ।
ଏହି ଦିନ ମହାମୃତ୍ୟୁଞ୍ଜୟ ମନ୍ତ୍ର ଜପ କରିବା ଦ୍ବାରା ସମସ୍ତ ରୋଗରୁ ମୁକ୍ତି ମିଳିଥାଏ ଏବଂ ବ୍ୟକ୍ତି ଦୀର୍ଘାୟୁ ହୋଇଥାଏ।
