କେନ୍ଦୁଝର : ବିଷାକ୍ତ ଖାଦ୍ୟ ଖାଇ ଜଣଙ୍କର ମୃତ୍ୟୁ ହୋଇଥିବା ବେଳେ ୧୧ଜଣ ଅସୁସ୍ଥ ହୋଇଛନ୍ତି। ଏପରି ଅଭାବନୀୟ ଘଟଣା କେନ୍ଦୁଝର ଜିଲା ତୁରମଙ୍ଗା ଥାନା କ୍ଷୀରେଇଟାଙ୍ଗିରି ନୂଆଗାଁରେ ଘଟିଛି। ଅସୁସ୍ଥଙ୍କ ମଧ୍ୟରେ ୮ଜଣ ବିବାହ କାର୍ଯ୍ୟରେ ଟେଣ୍ଟ ବାନ୍ଧୁଥିବା କର୍ମଚାରୀ ଅଟନ୍ତି। ଅନ୍ୟ ୩ଜଣଙ୍କ ମଧ୍ୟରେ ୨ଜଣ ମହିଳା ଥିବା ଜଣାପଡିଛି। ସମସ୍ତେ ଗୋଟିଏ ପରିବାରର ବୋଲି ଜଣାପଡିଛି। ଗୁରୁତର ଅସୁସ୍ଥମାନଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି। ସମସ୍ତେ ରାତିରେ ଟେଣ୍ଟ ବାନ୍ଧି ସାରି ଘରେ ପ୍ରସ୍ତୁତ ହୋଇଥିବା ଖାଦ୍ୟ ଖାଇଥିଲେ। ତେବେ ଖାଦ୍ୟ ବିଷାକ୍ତ ହୋଇଥିବା ଯୋଗୁଁ ଏପରି ଘଟିଥିବା ଆଶଙ୍କା କରାଯାଇଛି।
