ନୂଆଦିଲ୍ଲୀ : ତାମିଲନାଡୁର ତଟବର୍ତ୍ତୀ ଅଞ୍ଚଳରୁ ଏକ ଆଶ୍ଚର୍ଯ୍ୟ କରିବା ଭଳି ଘଟଣା ସାମ୍ନାକୁ ଆସିଛି । ଯାହା ଏବେ ବେଶ ଚର୍ଚ୍ଚାର ବିଷୟ ପାଲଟିଛି । ଏଠାରେ କିଛି ମତ୍ସ୍ୟଜୀବୀଙ୍କ ଜାଲରେ ସମୁଦ୍ରରୁ ଏକ ରହସ୍ୟମୟ ଓ ଦୁର୍ଲ୍ଲଭ ମାଛ ପଡିଛି । ଯାହାକୁ ‘ଡୁମ୍ସଡେ ଫିଶ୍’ ଅର୍ଥାତ୍ ‘ପ୍ରଳୟର ମାଛ’ ବୋଲି କୁହାଯାଏ । ଏହି ମାଛର ଅସଲି ନାମ(Oarfish) ଏହି ମାଛ ସାଧାରଣତଃ ଗଭୀର ସମୁଦ୍ରରେ ଦେଖାଯାଏ।
Doomsday fish have been found in Tamil Nadu, India. pic.twitter.com/MQWurkE9ZN
— ಸನಾತನ (@sanatan_kannada) May 31, 2025
ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେଉଛି । ଭିଡିଓରେ ଦେଖିପାରିବେ, ୭ ଜଣ ମତ୍ସ୍ୟଜୀବୀ ଏହି ବିଶାଳ ମାଛଟିକୁ ଧରିଛନ୍ତି । ମାଛଟିର ଲମ୍ବ ପ୍ରାୟ ୧୫ ଫୁଟ୍ ବୋଲି କୁହାଯାଉଛି । ଏହାର ଶରୀର ରୁପା ଭଳି ଚମକୁଥିବା ଦେଖାଯାଉଛି । ସ୍ଥାନୀୟ ଲୋକଙ୍କ କହିବାନୁସାରେ ଏହି ମାଛକୁ ଅଶୁଭ ବୋଲି କୁହାଯାଏ । ଜାପାନ ଓ କିଛି ଅନ୍ୟ ଦେଶରେ ଏହି ମାଛର ଦେଖାଯିବା ପରେ ଭୂକମ୍ପ କିମ୍ବା ସମୁଦ୍ର ଝଡ, ସୁନାମୀ ଆଦି ପ୍ରାକୃତିକ ବିପର୍ଯ୍ୟୟ ହେବାର ଏହାର ଚେତାବନୀ ଦେଇଥାଏ । ଏହି କାରଣରୁ ହିଁ ଏହି ମାଛକୁ ‘ଡୁମ୍ସଡେ ଫିଶ୍’ କୁହାଯାଏ ।
ବଡ ଖୁସି ନେଇ ଆସୁଛି ଜୁଲାଇ ; ଗୋଟିଏ ପରେ ଗୋଟିଏ ରାଜଯୋଗ, ଏହି ରାଶି ହେବେ କୋଟିପତି, ଖୋଲିବ ବନ୍ଦ ଭାଗ୍ୟର ତାଲା
ତେବେ ବୈଜ୍ଞାନିକ ଦୃଷ୍ଟି କୋଣରୁ କୁହାଯାଏ, ଏହି ମାଛ ଗଭୀର ସମୁଦ୍ରରେ ରହିଥାଏ । ମାଛଟି ରୋଗରେ ଆକ୍ରାନ୍ତ କିମ୍ବା ଆହତ ହେଲେ ହିଁ ଏହା ଏପରି ନଜର ଆସିଥାଏ । ତଥାପି ଲୋକକଥା ଓ ଭାଇରାଲ୍ ଭିଡିଓକୁ ନେଇ ଚର୍ଚ୍ଚା ଜୋର ଧରିଛି । ଭିଡିଓ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି । ବୈଜ୍ଞାନିକମାନେ କହିଛନ୍ତି, ଏହାର ସଠିକ୍ ପ୍ରଜାତି ଓ ସ୍ଥିତି ଚିହ୍ନଟ ପାଇଁ ଏହି ମାଛର ଯାଞ୍ଚ କରାଯିବ ।
