ଭୁବନେଶ୍ଵର: କମିଶନରେଟ ପୋଲିସରେ ଗୁରୁବାର ବଡ଼ ଧରଣର ଅଦଳବଦଳ କରାଯାଇଛି। ଏଡିସିପି, ଏସିପି ଏବଂ ଇନ୍ସପେକ୍ଟର ସ୍ତରରେ ଅଦଳବଦଳ ହୋଇଛି। ମିଳିଥିବା ସୂଚନା ଅନୁଯାୟୀ, କଟକ ଏବଂ ଭୁବନେଶ୍ଵରର ୨୬ଟି ଥାନାର ଆଇଆଇସିଙ୍କୁ ବଦଳି କରାଯାଇଛି। ସେମାନଙ୍କ ମଧ୍ୟରୁ ଗିରିଜା ଶଙ୍କର ଚକ୍ରବର୍ତ୍ତୀଙ୍କୁ କ୍ୟାପିଟାଲ ଥାନା ଆଇଆଇସି ଭାବେ ବଦଳି କରାଯାଇଥିବାବେଳେ ହିମାଂଶୁ ଭୂଷଣ ସ୍ବାଇଁ ବାଦାମବାଡ଼ି ଥାନା ଆଇଆଇସି, ଅରୁଣ କୁମାର ସ୍ବାଇଁ ନୟାପଲ୍ଲୀ ଥାନା ଅଧିକାରୀ, ରଶ୍ମିରଞ୍ଜନ ମହାପାତ୍ର ଖଣ୍ଡଗିରି ଥାନା ଆଇଆଇସି, ରବିନାରାୟଣ ଭଞ୍ଜ ମାଲଗୋଦାମ ଥାନା ଅଧିକାରୀ, ମନୋଜ ରୋଶନ ବିଲୁଙ୍ଗ ମଧୁପାଟଣା ଥାନା ଆଇଆଇସି, ବିଶ୍ଵରଞ୍ଜନ ନାୟକ ଚନ୍ଦ୍ରଶେଖରପୁର ଥାନା ଆଇଆଇସି, ଅମିତାଭ ପାତ୍ର ଖାରବେଳନଗର ଥାନା ଆଇଆଇସି ଭାବେ ବଦଳି ହୋଇଛନ୍ତି।
