ଆବଶ୍ୟକ ସାମଗ୍ରୀ
ଚିକେନ – ୫୦୦ ଗ୍ରାମ
ଅଦା ରସୁଣ ବଟା – ୨ଚାମଚ
ଲେମ୍ବୁ ରସ – ୧ ଚାମଚ
ଭିନେଗାର – ଅଳ୍ପ
ଧନିଆ ଗୁଣ୍ଡ – ୧ଚାମଚ
ଜିରା ଗୁଣ୍ଡ – ୧ ଚାମଚ
ଗୋଟା ଜିରା – ଅଳ୍ପ
ଲଙ୍କା ଗୁଣ୍ଡ – ୧ଚାମଚ
ହଳଦୀ ଗୁଣ୍ଡ – ଅଳ୍ପ
ଲୁଣ – ଆବଶ୍ୟକ ପରିମାଣରେ
କଟା ପିଆଜ – ୨ଟି
ବଟର – ୨ଚାମଚ
କଟା ଅଦା – ଅଳ୍ପ
କଞ୍ଚା ଲଙ୍କା – ୨ଟି
ପେଷା ଟମାଟୋ – ୨ଟି
ଚିନି – ଅଳ୍ପ
କ୍ରିମ – ଅଳ୍ପ
ଧନିଆ ପତ୍ର – ଆବଶ୍ୟକ ପରିମାଣରେ
ପ୍ରସ୍ତୁତି ପ୍ରଣାଳୀ – ପ୍ରଥମେ ଚିକେନକୁ ଭଲ ଭାବେ ଧୋଇ ଏଥିରେ ହଳଦୀ ଗୁଣ୍ଡ, ଲଙ୍କା ଗୁଣ୍ଡ, ଅଳ୍ପ ଲୁଣ, ଅଦା ରସୁଣ ବଟା, ଭିନେଗାର, ଲେମ୍ବୁ ରସ, ପକାଇ ଭଲ ଭାବେ ଗୋଳାଇ ରଖି ଦିଅନ୍ତୁ। ଏବେ ଗ୍ୟାସ ଲଗାଇ କଡ଼େଇ ବସାନ୍ତୁ। କଡ଼େଇ ଗରମ ହେବା ପରେ ଏଥିରେ ବଟର ପକାନ୍ତୁ। ଏବେ ଏଥିରେ ଲଙ୍କା ଗୁଣ୍ଡ, ଜିରା ଗୁଣ୍ଡ, ଧନିଆ ଗୁଣ୍ଡ, କଟା ଅଦା ପକାଇ ଗୋଳାଇ ଦିଅନ୍ତୁ। ଏଥିରେ ସାମାନ୍ୟ ପାଣି ପକାଇ ଗୋଳାନ୍ତୁ। ଏହା ପରେ ଲୁଣ, କଞ୍ଚା ଲଙ୍କା, ପିଆଜ, ପେଷା ଟମାଟୋ, ସାମାନ୍ୟ ଚିନି ପକାଇ ପୁଣି ଭଲ ଭାବେ ଗୋଳାନ୍ତୁ ଓ ମିଶ୍ରଣ ପ୍ରସ୍ତୁତ କରନ୍ତୁ। ଏବେ ଗ୍ୟାସରେ ଆଉ ଏକ କଡ଼େଇ ବସାଇ ବଟର ପକାନ୍ତୁ। ବଟର ପକାଇବା ପରେ ଗୋଳାଇ ରଖିଥିବା ଚିକେନକୁ ପକାଇ ଭଲ ଭାବେ ଭାଜନ୍ତୁ। ଚିକେନ ଭଲ ଭାବେ ଭାଜି ହୋଇଗଲେ ପ୍ରସ୍ତୁତ କରି ରଖିଥିବା ମିଶ୍ରଣକୁ ପକାନ୍ତୁ। ମିଶ୍ରଣ ପକାଇବା ପରେ ସାମାନ୍ୟ ପାଣି ପକାଇ କଟା ଧନିଆ ପତ୍ର, ଅଳ୍ପ ବଟର ପକାଇ ୭ ରୁ ୮ ମିନିଟ ଗ୍ୟାସରେ ବସାଇ ଏକ ପାତ୍ରକୁ କାଢନ୍ତୁ ଓ ଗରମାଗରମ ଖାଆନ୍ତୁ ରେଷ୍ଟୁରାଣ୍ଟ ମସଲା ଚିକେନ।
ରେଷ୍ଟୁରାଣ୍ଟ ମସଲା ଚିକେନ
Popular Categories
Previous article
Next article