ଭବାନୀପାଟଣା: ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକର ସହକାରୀ ନିର୍ବାହୀ ଯନ୍ତ୍ରୀ ରାମଚନ୍ଦ୍ର ଶତପଥୀଙ୍କ ଆୟ ବହିର୍ଭୁତ ସମ୍ପତ୍ତି ଠୁଳ ମାମଲାରେ ଆଜି ଭିଜିଲାନ୍ସ ଚଢାଉ ଚାଲିଛି। ସେହି କ୍ରମରେ ଆଜି ଶତପଥୀଙ୍କ କଳାହାଣ୍ଡିରେ ଥିବା ଜ୍ବାଇଁଙ୍କ ଘରେ ମଧ୍ୟ ଭିଜିଲାନ୍ସ ଚଢାଉ ଚାଲିଛି।
ଦେଢ ବର୍ଷ ପରେ କେତୁ ଚଳନ: ଏହି ରାଶି ହେବେ ମାଲାମାଲ୍, ବଢିବ ଦରମା, କିଣିବେ ନୂଆ ଘର, ଗାଡି..
ଶତପଥୀଙ୍କ କଳାହାଣ୍ଡିରେ ଥିବା ଜ୍ବାଇଁ ତଥା କଳାହାଣ୍ଡି ଜିଲ୍ଲା ଜୁନାଗଡ଼ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ସ୍ତ୍ରୀ ରୋଗ ବିଶେଷଜ୍ଞ ଡଃ ତପନ କୁମାର ତ୍ରିପାଠୀଙ୍କ ଘରେ ଭିଜିଲାନ୍ସ ଚଢାଉ ଚାଲିଛି। ପ୍ରାଥମିକ ଭାବେ ଭିଜିଲାନ୍ସ ଟିମ୍ ଡଃ ତ୍ରିପାଠୀଙ୍କ ଘରୁ ପ୍ରାୟ ୨୨ ଲକ୍ଷରୁ ଅଧିକ ନଗଦ ଟଙ୍କା ଠାବ କରିଥିବା ସୂଚନା ମିଳିଛି। ଜୁନାଗଡ଼ ସହର କଲମପୁର ରାସ୍ତାର ଗାୟତ୍ରୀ ନଗରରେ ଏକ ଭଡ଼ା ଘରେ ରହୁଥିବା ଡଃ ତ୍ରିପାଠୀ ସେଠାରେ ଏକ ଅଲଟ୍ରା ସାଉଣ୍ଡ କ୍ଲିନିକ୍ ଖୋଲିବା ସହିତ ସେହି ପରିସରରେ ଏକ ଔଷଧ ଦୋକାନ ମଧ୍ୟ ରହିଛି। ଏଥିସହିତ ଇଁ ଶତପଥୀଙ୍କ ଅନ୍ୟଜଣେ ଜ୍ବାଇଁ ଡଃ ବିଶ୍ୱଜିତ୍ ପାଣିଗ୍ରାହୀଙ୍କ ସ୍ଥାନୀୟ ହିଲ ଟାଉନ୍ ସ୍ଥିତ ଘରେ ମଧ୍ୟ ଚଢାଉ ହେବାର ଥିଲା। କିନ୍ତୁ ସେ ଅନୁପସ୍ଥିତ ଥିବାରୁ ଭିଜିଲାନ୍ସ ଟିମ୍ ତାଙ୍କୁ ଅପେକ୍ଷା କରିଛି। କଟକ ଭିଜିଲାନ୍ସର ଦୁଇଟି ଟିମ୍ ଚଢାଉରେ ସାମିଲ ହେଇଛନ୍ତି।
