ନୂଆଦିଲ୍ଲୀ : ପ୍ରୟାଗରାଜର ସଙ୍ଗମସ୍ଥଳରେ ମହାକୁମ୍ଭ ମେଳା ଲାଗି ରହିଛି । ଲୋକେ ଏଠାକୁ ଯାଇ ବୁଡ ପକାଉଛନ୍ତି । କିଏ ଟ୍ରେନ୍ରେ ତ କିଏ ଉଡାଜାହାଜ ପୁଣି କିଏ ଡଙ୍ଗା ତ କିଏ କାର୍ ଯୋଗ ଯାଉଛନ୍ତି । ଏଭଳି କିଛି ଲୋକେ ମଧ୍ୟ ଅଛନ୍ତି,ଯେଉଁମାନେ କୁମ୍ଭକୁ ସ୍ନାନ ପାଇଁ ଯାଇ ପାରୁ ନାହାଁନ୍ତି । ନିକଟରେ ଜଣେ ମହିଳାଙ୍କ ଏଭଳି ଏକ ଭିଡିଓ ଭାଇରାଲ୍ ହେଉଛି, ଯାହା ସଭିଁଙ୍କୁ ଆଶ୍ଚର୍ଯ୍ୟ ଚକିତ କରି ଦେଇଛି । ଲୋକେ ଭିଡିଓ ଦେଖି ଭିନ୍ନ ଭିନ୍ନ ମତ ମଧ୍ୟ ଦେଇଛନ୍ତି । ମହିଳାଙ୍କ ବୁଡ ପକାଇବାର ଏଭଳି ଅଭିନବ ଉପାୟ ଦେଖି ଲୋକେ ନିଜ ହସକୁ ରୋକି ପାରି ନାହାଁନ୍ତି ।
ଭିଡିଓରେ ଦେଖିପାରିବେ, ସଙ୍ଗମ ସ୍ଥଳରେ ଆଣ୍ଠୁଏ ପାଣିରେ ଜଣେ ମହିଳା ଠିଆ ହୋଇ ଭିଡିଓ କଲ୍ରେ ଜଣଙ୍କ ସହ କଥା ହେଉଛନ୍ତି । ଏହାସହ ଅନ୍ଲାଇନ୍ରେ ରହି ସେହି ଫୋନ୍ରେ ଥିବା ବ୍ୟକ୍ତିଙ୍କୁ ସ୍ନାନ କରାଉଛନ୍ତି । ଅର୍ଥାତ୍ ଫୋନ୍କୁ ୫ ଥର ପାଣିରେ ବୁଡାଇ ଉଠାଇଲେ ।
ଭିଡିଓକୁ ଲକ୍ଷ ଲକ୍ଷ ଲୋକେ ଦେଖିବା ସହ ମଜାଳିଆ କମେଣ୍ଟ ମଧ୍ୟ ଦେଉଛନ୍ତି । କିଛି ଲୋକେ କହିଛନ୍ତି, ଏହା ପ୍ରଥମ ମୋବାଇଲ୍ ହେବ ଯାହା ସ୍ୱର୍ଗ ଯିବ । ଅନ୍ୟ ଜଣେ କହିଛନ୍ତି, ଅନ୍ଲାଇନ୍ ପାପ ଧୋଇ ହୋଇଗଲା ।
ମହାଶିବରାତ୍ରୀରେ ବାସ୍ ଏହି ଗୋଟିଏ ସରଳ ଉପାୟରେ ବର୍ଷଯାକ ମିଳିବ ମା’ଲକ୍ଷ୍ମୀଙ୍କ କୃପା, ଧନସମ୍ପତ୍ତି ହେବ ଦୁଇଗୁଣା..
