ନୂଆଦିଲ୍ଲୀ : ଓଲା ଇଲେକ୍ଟ୍ରିକକୁ ବଡ ଝଟକା ଲାଗିଛି । ମହାରାଷ୍ଟ୍ର ସରକାର ଏକ କଡା କାର୍ଯ୍ୟାନୁଷ୍ଠାନ ଗ୍ରହଣ କରି ଓଲା ଇଲେକ୍ଟ୍ରିକକୁ ଝଟକା ଦେିଛନ୍ତି । ମହାରାଷ୍ଟ୍ରର ପରିବହନ ବିଭାଗ ଓଲା ଇଲେକ୍ଟ୍ରିକର ୧୦୦ରୁ ଅଧିକ ଶୋରୁମ୍ ବିନା ଲାଇସେନ୍ସରେ ଚାଲିଥିବା ଜାଣିବାକୁ ପାଇବା ପରେ ବନ୍ଦ ପାଇଁ ନିର୍ଦ୍ଦେଶ ଦେଇଛି ।
୧୩୧ ଶୋରୁମରୁ ୧୦୭ ଶୋରୁମ୍ ନିୟମ ବିରୁଦ୍ଧରେ ଚାଲିଥିଲା । ୧୦୪ ଶୋରୁମକୁ ନୋଟିସ୍ ପଠାଯାଇଛି । ସେହିଭଳି ୪୩ ଶୋରୁମ୍ ବର୍ତ୍ତମାନ ସୁଦ୍ଧା ବନ୍ଦ ହୋଇସାରିଛି । ଏହା ବ୍ୟତୀତ ୨୧୪ ଇଲେକ୍ଟ୍ରିକ୍ ସ୍କୁଟର ଜବତ ହୋଇଛି । ଡିଲରସିପ୍ ପାଖରେ ଜରୁରି ଟ୍ରେଡ୍ ସାର୍ଟିଫିକେଟ୍ ନଥିଲା । ଭାରତରେ କୌଣସି ବି ଗାଡି ବିକିବା କିମ୍ବା ଟେଷ୍ଟ ଡ୍ରାଇଭ୍ ପାଇଁ ଏହି ସାର୍ଟିଫିକେଟ୍ ବାଧ୍ୟତାମୂଳକ ।
- Advertisement -
ମହାରାଷ୍ଟ୍ରର ସଂଯୁକ୍ତ ପରିବହନ ଆୟୁକ୍ତ ସମସ୍ତ ଆରଟିଓ ଅଧିକାରୀଙ୍କୁ ୨୪ ଘଣ୍ଟା ଭିତରେ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି । ଅନ୍ୟପଟେ ଓଲା ଇଲେକ୍ଟ୍ରିକ୍ ତରଫରୁ ଏନେଇ କୌଣସି ଅଫିସିଆଲ୍ ସୂଚନା ମିଳିନି ।
